We TV Cambodia

យុវជន និង យុវតីខ្មែរប្រើប្រាស់ធនធាន ច្នៃប្រឌិតផលិតចេញជាកង់អគ្គិសនី កាត់បន្ថយការបំពុលបរិស្ថាន

យុវជន និង យុវតីខ្មែរប្រើប្រាស់ធនធាន ច្នៃប្រឌិតផលិតចេញជាកង់អគ្គិសនី កាត់បន្ថយការបំពុលបរិស្ថាន

ភ្នំពេញ៖ ជារឿងមួយគួជាទីចាប់អារម្មណ៍ណាស់ ដែលយុវជន និង យុវតីខ្មែរ ចំនួនពីររូប នឹកឃើញគំនិតច្នៃប្រឌិត កែប្រែយានជំនិះ កង់ធម្មតា មកជាកង់ប្រើប្រាស់ថាមពលអគ្គិសនី ដើម្បីសម្រួលពីការ​ចំណាយថ្លៃសាំងប្រចាំថ្ងៃ និងកាត់បន្ថយតានតឹងផ្នែកបំពុលបរិស្ថានផងដែរ។

យុវជន ខេមរា គីមហាក់ ​វ័យ ២០ឆ្នាំ និង​យុវតី សឿន ច័ន្ទរ៉ាត់តិកា វ័យ១៩ឆ្នាំ ជានិស្សិតផ្នែកស្ថាបត្យកម្ម នៅសាកលវិទ្យាល័យ​វិចិត្រសិល្បៈ បានសម្រេចនូវគោលដៅរបស់ខ្លួននៃការផលិតកង់អគ្គិសនី ដោយក្ដីស្រម៉ៃ អ្នកទាំងពីរ ចង់ឃើញទីក្រុងលែងមានផ្សែងបំពុលបរិយាកាស។ សមិទ្ធផលស្នាដៃដែលអ្នកទាំងពីរសម្រេចបាននោះគឺជាប្រភេទកង់អគ្គិសនីដែលមានឈ្មោះថា ទីនគី (Tinky Bike)។ កង់ទីនគី អាចនិយាយបានថា ជាស្នាដៃរបស់កូនខ្មែរ ដំបូងបង្អស់​ដែលរកនឹកឃើញ និងអាចផលិតបានជារូបរាង។

យុវជន ខេមរា គីមហាក់ បានប្រាប់ទៅអ្នកសារព័ត៌មានក្នុងស្រុកអំពីកង់នេះថា លោកចង់ឃើញទីក្រុងភ្នំពេញនេះគ្មានផ្សែងយានយន្ដ។

លក្ខណៈសម្បត្ដិកង់ទីនគី មាន​ពណ៌​​ខ្មៅ​ កែប​ស្រដៀង​ម៉ូតូ​បំពាក់​អាគុយ​នៅ​​ក្រោម​កែបម៉ូទ័រ​នៅ​កង់​ក្រោយ ​និង​ LED Display នៅ​ដៃ​ចង្កូត​ខាង​ឆ្វេង ព្រម​ទាំង​បំពាក់​ចង្កៀង​មុខ​ធំ​ វាបាន​ចំណាយ​ទឹកប្រាក់ ​ផលិត​​ប្រមាណជា ៧០០ដុល្លារ​។ កង់​ទីនគី​អាចមានសមត្ថភាព​ទ្រ​ទម្ងន់​បាន ១២៥ គីឡូក្រាម។​​ ជាមួយនឹងការសាកថ្ម​មាន ​ ២ជម្រើស ទី១ ធម្មតា សាក​រយៈពេល ៧ ម៉ោង ទី២ គឺសាករយៈ២ ម៉ោង​កន្លះហើយ វា​អាច​រត់បាន ​ល្បឿន ៤០ គីឡូម៉ែត្រ ​ក្នុង ​១ ​ម៉ោង លើ​ចម្ងាយ​ផ្លូវ ៦០ គីឡូម៉ែត្រ​សម្រាប់​ការ​សាកមួយ​លើក។

លោក គីមហាក់ បាន​បន្ដទៀត​ថា​៖ ការផលិតកង់នេះឡើង គាត់ប្រើរយៈពេល ​ជិត ៣ ខែ ដោយឡែកវាមានលក្ខណៈយូបន្ដិដោយសាការចំណាយពេលទិញគ្រឿងមកបំពាក់ពីប្រទេសចិន តែបើទំហំរពេលតម្លើង និង ពត់តម្រង់តួកង់ គឺប្រើពេលប្រហែលជាដល់៥ថ្ងៃនោះទេ។

សហស្ថាបនិកទាំងពីរ បានសាកល្បងប្រើប្រាស់ផលិតផលសា្នដៃរបស់អស់រយៈជាង៣ខែហើយ ហើយពូកគេមិនទាន់មានពាក្យត្អួញត្អែ អំពីការប្រើប្រាស់នេះឡើយ។

យុវជន​ ខេមរា គីមហាក់ បានមានទស្សនៈយល់ឃើញ​ថា​ ​​ភាគ​ច្រើន​ពួក​គេ​​ជិះ​កង់​ដឹក​អីវ៉ាន់​ ទៅ​រៀន និង​ធ្វើ​ការ​ដែល​ ​១ ថ្ងៃ​អត់​ដល់​ ៦០ គីឡូម៉ែត្រ​ទេ​ ត្រឹមតែ​៤០ ឬ ៥០ ​គីឡូម៉ែត្រ​។ គម្រោង​កង់​ចេញ​លក់​ខាង​មុខ​នេះ វា​មាន​តម្លៃ​ចាប់​ពី ៥៤៩ ដុល្លារ​ អាច​បរ​បាន​ចម្ងាយ ៣០ គីឡូម៉ែត្រ​ចំពោះ​ការ​សាក​ថ្ម​ម្ដង​ ៦៤៩ ដុល្លារ អាច​ជិះ​បាន ៤៥ គីឡូម៉ែត្រ និង​ ៧៤៩ ដុល្លារ​ អាច​ជិះ​បាន ៦០ គីឡូម៉ែត្រ​ ហើយ​ជម្រើស​ទាំង ៣ ប្រភេទ​នេះ​ ខុស​គ្នា​តែ​ប្រភេទ​ថ្ម​នោះ​ទេ ចំពោះ​ប្រភេទ​ម៉ូទ័រ មុខងារ​ផ្សេងៗ និង​គ្រឿង​អគ្គិសនី​មាន​លក្ខណៈ​ដូច​គ្នា​ទាំង​អស់​។

ដោយ៖ អឿ អ៊ុយ

ប្រភព៖ ព័ត៌មានក្នុងស្រុក

Related Articles