We TV Cambodia

យល់ដឹងអំពី កត្តាទាំង៥ធ្វើអោយអាជីវកម្មទទួលបានជោគជ័យ

យល់ដឹងអំពី កត្តាទាំង៥ធ្វើអោយអាជីវកម្មទទួលបានជោគជ័យ

ការធ្វើអាជីវកម្មមនុស្សគ្រប់គ្នាតែងតែចង់បាននូវលទ្ធផលមួយដែលគាប់ប្រសើរ នឹងទទួលបានជោគជ័យក្នុងមុខក៏ប៉ុន្តែមនុស្សមួយចំនួនមិនទាន់បានយល់ដឹងច្បាស់ពីចំនុចសំខាន់នៅឡើយទេ។

តើធ្វើដូចម្តេចដើម្បីអោយអាជីវកម្មរបស់អ្នកទទួលបានជោគជ័យ?ដើម្បីកាន់តែច្បាស់សូមអនុវត្តន៍ចំនុចទាំង៥ខាងក្រោម៖

១. សិក្សា​អំពី​លក្ខណៈ​ភូមិសាស្ត្រ ៖ យើង​ត្រូវ​ដឹងថា​ទីកន្លែង ប្រទេស តំបន់ ដែល​នឹង​វិនិយោគ​មាន​អំណោយផល​អ្វីខ្លះ​ពី​ធម្មជាតិ ដូចជា អាកាសធាតុ  ខ្យល់ ភ្លៀង រុក្ខជាតិ ដី រ៉ែ និង​ទឹក។ វា​ជា​កត្តា​ដែល​ធ្វើ​ឲ្យ​យើង​ដឹងថា​មុខ​ជំនួញ​អ្វី​វា​សាក​សម​នឹង​ទីតាំង​នោះ។

២. សិក្សា​អំពី​ប្រជាជន ៖ សិក្សា​អំពី​ចំនួន​ប្រជាជន ដង់ស៊ីតេ ចំណង់​ចំណូលចិត្ត ប្រពៃណី​ទំនៀប​ទំលាប់ ជំនឿ សាសនា និង​វប្បធម៌ ការធ្វើ​បែបនេះ​អាច​ឲ្យ​យើង​ដឹង​បរិមាណ​ផលិតផល ឬ​សេវាកម្ម​ដែល​នឹង​ផលិត ក្នុង ១ខែ ឬ ១ឆ្នាំ។

៣. សិក្សា​អំពី​សេដ្ឋកិច្ច ៖ សិក្សា​ពី​ជីវភាព ការងារ មុខរបរ ប្រាក់ចំណូល ប្រាក់​ចំណាយ ប្រព័ន្ធ​ធនាគារ លំហូរ​សាច់ប្រាក់​របស់​មនុស្ស​ក្នុង​តំបន់ ឬ​ប្រទេស​នោះ។

៤. សិក្សា​អំពី​នយោបាយ ៖ សិក្សា​ពី​គោលការណ៍ ច្បាប់ទម្លាប់ និង​គោលនយោបាយ​របស់​រាជ​រដ្ឋាភិបាល នៃ​ប្រទេស​នោះ ដូចជា ( ច្បាប់​របស់​ប្រទេស ច្បាប់ពាណិជ្ជកម្ម ច្បាប់​ការងារ ច្បាប់ផ្សេងៗ និង​គោលការណ៍​ពន្ធ)

៥. សិក្សា​អំពី​ហេដ្ឋារចនាសម្ព័ន្ធ ៖ សិក្សា​ពី​ផ្លូវថ្នល់ ( ផ្លូវគោក ផ្លូវទឹក និង​ផ្លូវអាកាស) ដើម្បី​ងាយ​ស្រូល​ក្នុងការ​ដឹកជញ្ជូន។ ជាពិសេស​សិក្សា​អំពី​ប្រព័ន្ធ​ទឹក​ប្រើប្រាស់​របស់​ប្រជាពលរដ្ឋ និង​ប្រព័ន្ធ​អគ្គិសនី និង​ការផ្គត់ផ្គង់​ភ្លើង ដែល​ប្រើប្រាស់​នៅក្នុង តំបន់ ឬ​ប្រទេស​នោះ៕

ដោយ៖ ឧត្ដម

Related Articles