We TV Cambodia

មេរោគកូរ៉ូណា បន្ដវាយសម្រុកខ្លាំងនៅចិន អ្នកស្លាប់កើនដល់ ១៧០ នាក់ អ្នកជម្ងឺមាន ៧៧៧១នាក់

មេរោគកូរ៉ូណា បន្ដវាយសម្រុកខ្លាំងនៅចិន អ្នកស្លាប់កើនដល់ ១៧០ នាក់ អ្នកជម្ងឺមាន ៧៧៧១នាក់



ចិន៖ មេរោគកូរ៉ូណា​ នៅតែជាប្រធានបទយ៉ាងក្ដៅគគុក ហើយក៏ជាឃាតករយ៉ាងឃោឃៅ បន្ដសម្លាប់ប្រជាជនចិន រាប់រាយនាក់ ខណៈដែលរបាយការណ៍ចុងក្រោយក្នុងព្រឹកថ្ងៃទី៣០ ខែកមរា នេះ កើនឡើងចំនួនសរុបទៅដល់​១៧០ នាក់ ខណៈកាលពីព្រឹកម្សិលមិញ ត្រឹមតែ១៣៥នាក់ ចំណែកអ្នកជម្ងឺកាលពីព្រឹកម្សិលមិញត្រឹមតែ ៥៩៧៤ នាក់ កើនមកទល់ព្រឹកនេះ មានចំនួនដល់ទៅ ៧៧៧១នាក់។

អាជ្ញាធរចិន មានការព្រួយបារម្មណ៍យ៉ាងខ្លាំង ហើយក៏ជម្រុញឲ្យគ្រប់ស្ថាប័ណពាក់ព័ទ្ធទាំងអស់ ចូលរួម​ខិតខំប្រឹងប្រែង ទប់ស្កាត់ ការរីករាលដាលមេរោគដ៏កាចសាហាវមួយនេះ។

ថ្មីៗនេះ​មានដំណឹងជាច្រើនបានចុះផ្សាយថា ប្រទេសចិន អាចរកឃើញវាក់ស៊ាំងការពារ មេរោគមួយនេះ មានប្រសិទ្ធភាពបាន១០០ ភាគរយ ប៉ុន្ដែជាក់ស្ដែងហេតុអ្វីបានជាថ្ងៃនេះ​នៅតែមានការកើនឡើង បន្ដចំនួនអ្នក​ស្លាប់ដោយមេរោគនេះទៀត។​

គូសបញ្ជាក់ផងដែរថា កាលពីម្សិលមិញយោងទៅតាមគេហទំព័រ វ៉ាសិនតោន បានចុះផ្សាយថា រដ្ឋាភិបាលអាមេរិក ត្រៀមរៀបចំចាត់តាំង អ្នកជំនាញការផ្នែកសុខភាព ដឹកនាំក្រុមធ្វើដំណើរទៅប្រទេសចិន ដើម្បចូលរួមជួយការពារជួយសង្គ្រោះប្រជាជន។ ចំណែក លោក ដូណាល់ ត្រាំ ក៏បានបង្ហោះសារចែករំលែក ស្ដែងចេញនូវការព្រួយបារម្មណ៍ទៅដល់ដៃគូមិត្ដភាព ហើយក៍បង្ហាញពីទឹកចិត្ដជួយចែករំលែក​ការលំបាកមួយនេះ ជាមួយនឹងរូបភាពកិច្ចប្រជុំផ្ទៃក្នុងផងដែរ។

អាន៖ អាមេរិកនឹងបញ្ជូនមន្ដ្រីជំនាញផ្នែកសុខភាពទៅកាន់ប្រទេសចិន ខណៈរបាយការណ៍កំណើនអ្នកស្លាប់ កាន់តែកើនឡើង

អត្ថបទដោយ៖ អឿ អ៊ុយ

Related Articles