We TV Cambodia

មូលហេតុ៩យ៉ាងដែលធ្វើឲ្យអ្នកខ្ចះខ្ជាយក្នុងការចាយវាយ

មូលហេតុ៩យ៉ាងដែលធ្វើឲ្យអ្នកខ្ចះខ្ជាយក្នុងការចាយវាយ

ដោយ៖ ហួ ឆេងស៊ីម

មានមនុស្សមួយចំនួនដែលមានការចាយវាយទៅលើរបស់ដែលគ្មានប្រយោជន៍
ហើយមនុស្ស​មួយចំនួនទៀតពិតជាត្រូវការតម្រូវការផ្ទាល់ខ្លួនដែលពុំអាចរំលងបាន។
មនុស្សខ្លះគេមានការចំណាយត្រឹមត្រូវពោលគឺមានលុយតិចត្រូវចាយតាមតិច
មានលុយច្រើនត្រូវចេះចាយឲ្យប្រមាណខ្លួន។ ឯមនុស្សខ្លះទៀតមានលុយតិចទេ
ប៉ុន្តែចាយមិនប្រមាណខ្លួន។ ខាងក្រោមនេះជាចំណុចខ្ចះខ្ជាយទាំង៩ដែលមនុស្សគ្រប់រូបគួរយល់ដឹង៖

 ១.
យក​លេស​ថា លុយ​រក​មក​គឺ​ដើម្បី​ចាយ មិន​មែន​យក​មក​ទុក។ ដូច​ពាក្យ​គេ​ថា​រក​ស៊ី
មិន​​មែន​រក​ទុក​ទេ ចឹង​ហើយ​មាន​លុយ​ត្រូវ​តែ​ចាយ។

២.
អស់​លុយ​ចាយ​ហើយ​ទើប​មាន​កំលាំង​ចិត្ត​រក​លុយ​ទៀត។ បើ​អត់​ចាយ​លុយ
ហើយ​ឃើញ​ថា​សល់​លុយ​ច្រើន​នោះ
យើង​នឹង​គ្មាន​កំលាំង​ចិត្ត​ប្រឹង​ធ្វើ​ការ​រក​លុយ​បន្ថែម​ទេ។

៣. ដោយ​សារ​តែ​លុយ​អាច​រក​បាន​​ជា​ថ្មី​ទៀត
តែ​មាន​រឿង​មួយ​ចំនួន​កើត​ឡើង​តែ​ម្ដង ហើយ​មិន​ត្រលប់​មក​វិញ​ជា​រៀង​រហូត។

៤.
ព្រោះ​យូរ​ៗ​បាន​គេ​មាន​កម្មវិធី​បញ្ចុះ​តម្លៃ​ច្រើន​ម្ដង បើ​មិន​ទិញ​ទេ
ប្រាកដ​ជា​ខាត។

៥. បើ​ចំណាយ​លើ​រឿង​នេះ ក៏​ត្រូវ​ចាយ​លើ​រឿង​ផ្សេង។
ទៅ​មក​នៅ​តែ​អស់​លុយ​ដដែរ ចឹង​ចាយ​តែ​ម្ដង​ទៅ។

៦. បើ​នៅ​ពេល​នេះ​មិន​ទិញ ថ្ងៃ​ក្រោយ​ក៏​ត្រូវ​ទិញ បើ​យើង​មិន​ទិញ
ក៏​នឹង​​មាន​អ្នក​ផ្សេង​ទិញ។

៧. នៅ​ពេល​ជ្រុល​ដៃ​ទិញ​របស់​ថ្លៃ​ពេក
ក៏​យក​លេស​ថា​ទិញរបស់​ល្អ​ប្រើ​បាន​យូរ ហើយ​គឺ​ជា​វិនិយោគ​មួយ​ដ៏​ត្រឹម​ត្រូវ។

៨. មនុស្សដែលខ្លួនស្រលាញ់យកមិនបានហើយ
បើរបស់ដែលខ្លួនស្រលាញ់យកមិនបានទៀត គឺអន់ចិត្តខ្លាំងណាស់
ដូចនេះត្រូវទិញដើម្បីលួងចិត្តខ្លួនឯងពេល​ទិញ​ហើយ

៩.​ បាន​​ប្រាប់​ខ្លួន​ឯង​ថា នេះ​គឺ​ជា​កាដូ​ដែល​ទិញ​សម្រាប់​ថ្ងៃ​ខួប​កំណើត​​ខ្លួន​ឯង តែ​ស្ទើរ​តែ​រាល់​ខែ​ទៅ​ហើយ ដែល​ប្រើ​ហេតុផល​នេះ។

Related Articles