We TV Cambodia

មូលហេតុដំបូង ដែលជម្រុញឲ្យលោក Jerry Thai បង្កើតក្រុមហ៊ុន @home Photography (video inside)

មូលហេតុដំបូង ដែលជម្រុញឲ្យលោក Jerry Thai បង្កើតក្រុមហ៊ុន @home Photography (video inside)

ស្ថានភាពវិស័យថតរូប បែប Commercial នៅកម្ពុជា ត្រូវបានគេមើលឃើញថា នៅមានកម្រិត មិនទាន់អាចប្រកួត ប្រជែងជាមួយនឹងដៃគូបរទេសបានឡើយ ប៉ុន្ដែយ៉ាងណាក៏ដោយ តាមការសង្កេតមើល ឃើញប្រមាណជា ៥ឆ្នាំចុងក្រោយ ដូចជាមានការរីកចម្រើនខុសប្លែក ខណៈដែលសន្ទុះនៃការចាប់អារម្មណ៍កាន់តែកើនមាន និងទីផ្សារ​ចេះតែត្រូវការ។

ឆ្លងការប្រលូកខ្លួនអស់រយៈពេលជាច្រើនឆ្នាំ ជាមួយនឹងវិស័យថតរូប បែប​ Commercial លោក Jerry Thai ដែលជាស្ថាបនិក ក្រុមហ៊ុន @home Photography នៅកម្ពុជា បានរៀបរាប់ ពីដំណើរដំបូង បំផុតរបស់លោក ក្នុងការសម្រេចចិត្ដ បើកអាជីវកម្មមួយនេះ។ លោកបានប្រាប់ថា ដំបូងឡើយមុនពេល សម្រេចបើកអាជីវកម្មនេះ លោកមានក្ដីស្រមៃ ចង់ពង្រឹង និងពង្រីកវិសាលភាពវិស័យថតរូប នៅកម្ពុជា​ឲ្យមាន ភាពខ្លាំងខ្លាដូចនៅប្រទេសក្រៅ។ លោកបាន ចំណាយពេលវា និង ប្រាក់កាក់ផ្ទាល់ជាច្រើន ដោយមិនសូវរំពឹងទុក ពីផលចំណូលត្រលប់មកវិញ បូករួមទាំងការ ប្រឈមមុខនឹងការមិនគាំទ្រជាខ្លាំង ពីបណ្ដាមនុស្សជុំវិញខ្លួន។ រឿងដែលសំខាន់មួយទៀតនោះ មុនពេលសម្រេចចិត្ដបើកអាជីវកម្មនេះឡើង  លោក​បានអភិវឌ្ឈខ្លួនជាអ្នកបណ្ដុះបណ្ដាល ចែករំលែកចំណេះដឹង នឹងពង្រឹងសមត្ថភាព យុវជនជាច្រើន ដើម្បីជាការចងក្រង ឆ្អឹងខ្នងក្នុងដំណើរអាជីវកម្មនេះ។

ក្រោយពេលអាជីវកម្មបានដំណើរការ ចេញជារូបរាង មិនមែនមានន័យថា ការជោគជ័យទាំងស្រុង​នោះទេ​ រូបលោកបាន ជួបបញ្ហាជាច្រើនទៀតជាមួយភាពមិនចុះសម្រុងគ្នា ជាមួយនឹងសមាជិក ដោយការរំពឹងទុកគោលដៅ មានភាពប្រែប្រួល។ តែយ៉ាងណាក៏ដោយ​ លោកនៅតែខំប្រែងប្រែង ដោះស្រាយ​​លើកទឹកចិត្ដខ្លួនឯង រហូតអាចធ្វើឲ្យក្រុមហ៊ុនមួយនេះទទួលបានជោគជ័យមកទល់ពេលនេះ។

ខាងក្រោយជាកិច្ចសម្ភាសផ្ទាល់របស់លោក ជាមួយ ក្រុមការងារ​ WETV៖

អត្ថបទដោយ៖ Stince

Related Articles