We TV Cambodia

មហាសេដ្ឋី Bill Gates លាលែងពីតំណែង ចេញពី ក្រុមហ៊ុន Microsoft

មហាសេដ្ឋី Bill Gates លាលែងពីតំណែង ចេញពី ក្រុមហ៊ុន Microsoft

កំពូលមហាសេដ្ឋីលំដាប់ពិភពលោក Bill Gates បានសម្រេចលាលែង ចេញពីតំណែងជាក្រុមប្រឹក្សាសាធារណៈរបស់ក្នុងក្រុមហ៊ុន Microsoft ខណៈក្រុមហ៊ុន ១ទៀតមាន Berkshire Hathaway ក៏លោកនឹងត្រូវចាកចេញផងដែរ។

ការសម្រេចចិត្ដលាលែងពីចេញពីតំណែងក្រុមហ៊ុនទាំងពីរនេះ លោកក៏បានបញ្ជាក់ដែរថា លោក ចង់ចំណាយពេលវេលា​សម្រាប់ជីវិតរបស់លោក ប្រលូកក្នុងវិស័យសប្បុរសធម៌ឲ្យបានច្រើន មានជាការ ជួយសង្គមជាតិ ផ្នែកអប់រំ ជួយវិស័យសុខាភិបាល និងទប់ស្កាត់ការប្រែប្រួលអាកាសធាតុ។ ថ្វីត្បិតតែលោក សម្រេចចិត្ដចាកចេញ ពីតំណែងទាំងពីរនេះមែន ប៉ុន្ដែលោក ក៏មិនបោះបង់ទាំងស្រុងដែរ​ ពោលលោក​នៅតែ បន្ដជួយជ្រោមជ្រែង ពីក្រោយ នឹងផ្ដល់ជាដំណោះស្រាយ ពេលក្រុមហ៊ុន មានបញ្ហា។

លោក Bill Gates បានសង្កត់ធ្ងន់ថា ក្រុមហ៊ុន Microsoft គឺជាផ្នែកមួយនៃជីវិតរបស់លោក ហើយលោក នឹងបន្ដជួយជ្រោមជ្រែង ជាមួយនិង ថ្នាក់ដឹកនាំផ្សេងទៀត ដើម្បីជម្រុញក្រុមហ៊ុន ឲ្យឈានដល់គោលដៅរួម។ លោក Satya Nadella ដែលបច្ចុប្បន្នមានមុខតំណែងជា CEO នៅក្រុមហ៊ុន Microsoft ក៏បានលើកឡើងដែរថា​  ក្នុងកំលុងពេលធ្វើការ ហើយរៀនសូត្រជាមួយនឹងលោក Bill Gates អស់រយៈពេលជាច្រើនឆ្នាំ គឺជាកិត្តិយសដ៏អស្ចារ្យណាស់ របស់លោក។

ក្រុមហ៊ុន Microsoft ត្រូវបានបង្កើតឡើងតាំងពីឆ្នាំ១៩៧៥ ដោយបុគ្គលពីររូប គឺលោក Bill Gates និង លោក Paul Allen បើគិតមកទល់ពេលនេះ ក្រុមហ៊ុន មានអាយុកាលជាង ៤០ឆ្នាំមកហើយ។

ដោយ៖ Stince

Related Articles