We TV Cambodia

មហាសេដ្ឋីពិភពលោក ២រូបផ្ដល់ជំនួយដល់កម្ពុជា ដើម្បីប្រយុទ្ធប្រឆាំងនឹង COVID-19

មហាសេដ្ឋីពិភពលោក ២រូបផ្ដល់ជំនួយដល់កម្ពុជា ដើម្បីប្រយុទ្ធប្រឆាំងនឹង COVID-19
លោក Mark Zuckerberg និងលោក Bill Gates (ប្រភព៖ Google)

មហាសេដ្ឋី ២រូបគឺលោក Mark Zuckerberg និងលោក Bill Gates បានជួយឱ្យអ្នកស្រាវជ្រាវនៅប្រទេសកម្ពុជា មានលទ្ធភាពប្រយុទ្ធប្រឆាំងការរីករាលដាលនៃជំងឺកូវីដ១៩ តាមរយៈមូលនិធិរបស់ពួកគាត់ទាំង ២នាក់ក្នុងភាពជាដៃគូនឹងគ្នា (អង្គការសប្បុរសធម៌ Chan Zuckerberg Initiative របស់លោក Mark Zuckerberg  និងមូលនិធិ Gate របស់លោក Bill Gates)។

តាមការបង្ហោះនៅលើហ្វេសប៊ុក លោក Zuckerberg បានរៀបរាប់ថា ហ្វេសប៊ុកកំពុងចាត់វិធានការណ៍ ដើម្បីជួយបញ្ឈប់ការរីករាលដាលនៃជំងឺ COVID-19 ដូចជាការផ្តល់កន្លែងផ្សាយពាណិជ្ជកម្មឥតគិតថ្លៃដល់អង្គការសុខភាពពិភពលោក (WHO) និងការតាមដានមើលព័ត៌មានមិនត្រឹមត្រូវទាក់ទងនឹងមេរោគនេះ។ មួយវិញទៀត តាមរយៈមូលនិធីនេះ អ្នកស្រាវជ្រាវនៅកម្ពុជាអាចមានលទ្ធភាពសិក្សាលំអិតពីមេរោគ COVID-19 ដែលធ្វើឱ្យពួកគេកាន់តែមានភាពងាយស្រួល និងដើម្បីកំណត់ថាតើអ្នកណាមានផ្ទុកមេរោគនេះបានរហ័សជាងមុន។

រូបភាពតំណាង (ប្រភព៖ Google)

លោក Zuckerberg បានសរសេរថា ក្រុមអ្នកស្រាវជ្រាវនៅក្នុងប្រទេសកម្ពុជា គឺជាក្រុមមួយក្នុងចំណោមក្រុមជាច្រើននៅជុំវិញពិភពលោក ដែលទទួលបានការបណ្តុះបណ្តាលជីវវិទ្យា និងជីវវិទ្យាម៉ូលេគុលពីក្រុមជំងឹជំងឺឆ្លងនៅBiohub ដោយទទួលបានការបណ្តុះបណ្តាលដោយឥតគិតថ្លៃ និងការគណនាលើវេទិកាអាយ IDseqនិងឧបករណ៍ចាំបាច់ និងគ្រឿងផ្គត់ផ្គង់ដើម្បីចាប់ផ្តើមដំណើរការនៅក្នុងប្រទេសរបស់ពួកគេតាមរយៈជំនួយនេះ។

សូមបញ្ជាក់ថា ការផ្តល់ជំនួយនេះបានផ្តល់នូវការយល់ដឹងដ៏មានតម្លៃ និងពេលវេលាពិតប្រាកដក្នុងការសិក្សាពីការចម្លងរបស់វីរុស COVID-19 នៅក្នុងសហគមន៍ពិភពលោក។

ប្រែសម្រួលដោយ៖ Nevin

ប្រភព៖ ក្នុងស្រុក

Related Articles