ដោយ៖ស្រីពេជ្រ
កាលពីថ្ងៃទី ០៤ ខែកុម្ភ ឆ្នាំ២០២០ កន្លងទៅនេះ មន្ទីរសាធារណការ និងដឹកជញ្ជូនរាជធានីភ្នំពេញ បានចេញគម្រោងសាងសង់ស្ពានឫស្សីកែវ ប្រសព្វផ្លូវជាតិលេខ ៥ ដែលនឹងលេចជារូបរាងនាពេលឆាប់ៗនេះ។
គោលបំណង នៃការសាងសង់ស្ពានអាកាសថ្មីនេះ គឺក្នុងគោលបំណងជួយសម្រួលដល់ការធ្វើដំណើររបស់បងប្អូនប្រជាពលរដ្ឋ ឱ្យមានភាពងាយស្រួលជាងមុន កាត់បន្ថយការកកស្ទះចរាចរណ៍ ដែលជាបញ្ហាប្រឈម និងស្មុគស្មាញមួយក្នុងប្រទេសកម្ពុជា។
យ៉ាងណាមិញ ចំពោះកាលបរិច្ឆេទ នៃការបើកដំណើរការសាងសង់ជាផ្លូវការ និងចំនួនទឹកប្រាក់ដែលត្រូវចំណាយ និងរយៈពេលសាងសង់ ក្រសួងសាធារណការ មិនទាន់បានបញ្ជាក់លម្អិតនៅឡើយទេ ដោយក្រសួងគ្រាន់តែធ្វើការបង្ហាញនូវគម្រោងប៉ុណ្ណោះ៕
