We TV Cambodia

មនុស្សជោគជ័យមិនដែលនិយាយរឿង«ប្រាំ»នេះទេ

ប្រភព៖អុីនធឺណេត

ដោយ៖ស្រីពេជ្រ

នៅពេលដែលអ្នកចំណាយពេលវេលាជាមួយបុគ្គលជោគជ័យ
អ្នកនឹងកត់សំគាល់លក្ខណៈពិសេសមួយចំនួនរបស់ពួកគេ ដែលមនុស្សសាមញ្ញមួយចំនួនមិនមាន។ បុគ្គលទាំងនោះមិនចូលចិត្តខ្ជះខ្ជាយពេលវេលារបស់ពួកគេក្នុងការគិតអវិជ្ជមានទេ
ហើយពួកគេផ្តោតអារម្មណ៍លើជម្រើស និងឱកាសដែលជួយជម្រុញការងារពួកគេទៅរកភាពជោគជ័យ។ក្នុងនោះដែរពួកគេមិននិយាយអ្វីដែលធ្វើឱ្យពួកគេបាត់បង់ក្តីសង្ឃឹម
និងកាន់តែបាក់ទឹកចិត្តទេ។

ខាងក្រោមនេះគឺជារឿងមួយចំនួនដែលបុគ្គលជោគជ័យមិនដែលនិយាយ៖

.ខ្ញុំ​មិនអាច​ធ្វើ​វា​បាន​ទេ

មនុស្សជោគជ័យគេមិនដែលនិយាយថា«ខ្ញុំមិនអាចធ្វើរឿងនេះបានទេ»
ព្រោះពួកគេជឿជាក់យ៉ាងមុតមាំក្នុងការនិយាយថា«ខ្ញុំអាចធ្វើបាន»ហើយពួកគេពិតជាមានសមត្ថភាពក្នុងការបំពេញភារកិច្ចដែលពិបាកបំផុតនោះបានយ៉ាងរលូន។
ដូច្នេះ គ្រាន់តែជឿជាក់លើខ្លួនឯងវាអាចធ្វើឱ្យអ្នកធ្វើរឿងដែលអ្នកគិតថាមិនអាចទៅរួច​ទៅមុខបានយ៉ាងមានទំនុកចិត្ត។

.ខ្ញុំមិនដឹងពីរបៀបនៃការធ្វើការទេ

ដូចពាក្យគេថា ចេះពីរៀន​
មានមកពីរក គ្រប់យ៉ាងគឺទាល់តែអ្នកប្រឹងប្រែង
ស្វះស្វែងរៀនសូត្រទើបអ្នកអាចធ្វើការងារទាំងនោះបាន។ គ្មាននរណាម្នាក់ដែលទទួលបានជោគជ័យ
ដោយមិនដឹងពីវិធីដោះស្រាយបញ្ហា ឬវិធីធ្វើការងារនោះទេ។ ទាំងនេះ គឺជាអ្វីដែលត្រូវរៀនសូត្របន្ថែមជំនួសឱ្យការនិយាយថា
«ខ្ញុំមិនដឹងពីរបៀបធ្វើ»  ព្រោះមនុស្សជោគជ័យផ្តោតលើការស្វែងរកវិធីដើម្បីដោះស្រាយបញ្ហា។

.បើខ្ញុំមានដើមទុនច្រើន ខ្ញុំនឹងធ្វើបានប្រសើរជាងនេះ

បញ្ហលុយកាក់ មិនមែនជា​ឧបសគ្គដែលបញ្ឈប់អ្នកពីការសម្រេចចិត្តឆ្ពោះទៅរកភាពជោគជ័យទេ
ព្រោះភាពជោគជ័យទាំងនោះបានមកដោយការខិតខំនិងការលើកទឹកចិត្ត។ ទោះបីជាមានបញ្ហាហិរញ្ញវត្ថុក៏ដោយ
ក៏មនុស្សជោគជ័យព្យាយាមគិតពីវិធីដើម្បីដោះស្រាយបញ្ហាបានច្រើនជាងនេះ សូម្បីមានប្រាក់តិចតួចក៏ដោយក៏នៅតែរកស៊ីបានដែរ។

.ដៃគូប្រកួតប្រជែងគឺឆោតល្ងង់

មនុស្សជោគជ័យមិនដែលមើលស្រាលសមត្ថភាពដៃគូប្រកួតប្រជែងរបស់ខ្លួនឡើយ។
ព្រោះ បើដៃគូអ្នកមិនខ្លាំង ច្បាស់ណាស់អ្នកក៏មិនខ្លាំងដែរ
ដូចនេះជាឱកាសមួយដែលអ្នកគួរប្រឹងប្រែងបន្ថែមឱ្យកាន់តែខ្លាំងជាងដៃគូអ្នក។

.ខ្ញុំមិនមានពេលរៀនទេ

ចំណេះដឹង គឺជាអាវុធស្របច្បាប់ដែលគ្រប់គ្នាប្រាថ្នាចង់បានទូទាំងសាកលលោក។ ការស្រេកឃ្លានចំណេះដឹងរបស់ពួកគេគ្មានទីបញ្ចប់ទេ ហើយនេះជាអ្វីដែលធ្វើឱ្យបុគ្គលទាំងនោះទទួលបានជោគជ័យ។ អ្នកនឹងមិនដែលឮពួកគេនិយាយថា «អូ! ខ្ញុំមិនមានពេលរៀនទេ»ហើយពួកគេមិនដែលបោះបង់ចោលឱកាសពីការរៀនសូត្រទេ ព្រោះការរៀនមិនចេះចប់មិនចេះហើយនេះហើយ ដឹងនាំពួកគេមានគំនិតថ្មីៗ ដឹងពីអ្វីៗជាច្រើនដែលមនុស្សខ្ចិលរៀនមិនដឹង៕

Related Articles