ដោយ៖ឧត្តម
ខេត្តព្រះសីហនុ៖ សណ្ឋាគារថ្នាក់ផ្កាយ៥នៅក្នុងខេត្តព្រះសីហនុត្រូវបានក្រុមប្រឹក្សាអភិវឌ្ឍន៍កម្ពុជា (CDC ) បានអនុម័នយល់ព្រមធ្វើការសាងសង់ក្រោមទុនវិនិយោគប្រមាណ ៣៣១,៥លានដុល្លារអាមេរិក។
កាលពីពីថ្ងៃទិ២៦ខែធ្នូឆ្នាំ២០១៩ ក្រុមប្រឹក្សាអភិវឌ្ឍន៍កម្ពុជាបានអនុម័តយល់ព្រមអោយក្រុមហ៊ុន “XIN DA SHI JIE INTERNATIONAL HOTEL CO .,LTD .និងធ្វើការ សាងសង់ និងធ្វើអាជីវកម្ម សណ្ឋាគារថ្នាក់ផ្កាយ៥នៅក្នុងខេត្តព្រះសីហនុ។
សណ្ឋាគារលំដាប់ផ្កាយ៥នេះមានចំនួន១.៥០០បន្ទប់ និងមជ្ឈមណ្ឌល ពាណិជ្ជកម្ម ដែលមានទីតាំង វិនិយោគ ស្ថិតនៅ ភូមិ១ សង្កាត់លេខ៣ ក្រុងព្រះសីហនុ ខេត្តព្រះសីហនុ ហើយការសាងសង់គឺចំណាយទុនវិនិយោគប្រមាណ ៣៣១,៥លានដុល្លារអាមេរិក និងអាចបង្កើតការងារ បាន ចំនួន ២.៥០៩កន្លែង ។
លោកតាំង សុចិត្រគ្រឹស្នា ប្រធានមន្ទីរទេសចរណ៍ខេត្តព្រះសីហនុបានមានប្រសាសន៍ឲ្យថា ខេត្តព្រះសីហនុ គឺជាប៉ូលសេដ្ខកិច្ច និងទេសចរណ៍សំខាន់របស់ប្រទេសកម្ពុជាដែលត្រូវការឲ្យមានការវិយោគ លើវិស័យជាច្រើនជាពិសេសវិស័យបដិសណ្ឋារកិច្ច ដើម្បីផ្គត់ផ្គង់តម្រូវការ។
លោកបន្តថា “ខ្ញុំសូមស្វាគមន៍ចំពោះវត្តមាន គម្រោងសណ្ឋាគារដែល CDC ទើបតែអនុម័តនេះ ព្រោះវាកាន់តែជួយសម្រួលដល់ជម្រើស លើការស្នាក់នៅនៅក្នុងខេត្តកាន់តែទំនើប ព្រោះខេត្តនេះជាខេត្តទេសចរណ៍”។
សូមបញ្ជាក់ថា បច្ចុប្បន្នមានខេត្តព្រះសីហនុ មានកន្លែងស្នាក់នៅប្រមាណជាង១០,០០០បន្ទប់ ដោយក្នុងនោះមានសណ្ឋាគារលំដាប់ផ្កាយ5ចំនួន៨ផងដែរ៕
បើយោងទៅតាមរបាយការណ៍របស់មន្ទីរទេសចរណ៍ខេត្តព្រះសីហនុបានអោយដឹងថា សណ្ឋាគារលំដាប់ផ្កាយ១មានចំនួន៤។ សណ្ឋាគារផ្កាយ២មានចំនួន១។សណ្ឋាគារលំដាប់ផ្កាយ៣មានចំនួន២លំដាប់ផ្កាយ៤មានចំនួន២។លំដាប់ផ្កាយ៥មានចំនួន៤៕
