We TV Cambodia

ភ្នែកខូចដោយមិនដឹងខ្លួន បើអ្នកមានទម្លាប់ទាំងនេះ!

ភ្នែកខូចដោយមិនដឹងខ្លួន បើអ្នកមានទម្លាប់ទាំងនេះ!

ផ្នែកនៃរាងកាយ ភ្នែក គឺជាអ្វីដែល​យើង​ខ្វះមិន​បាន វាជួយ​ឲ្យ​យើង​មើល​ឃើញ​ពី​អ្វី​គ្រប់​យ៉ាង​ដែល​កើត​ឡើង​ជុំ​វិញ​ខ្លួន​យើង។ មានដឹងទេថា ពេលខ្លះទម្លាប់សាមញ្ញៗ និង​សកម្មភាព​ដែល​យើង​ធ្វើ​រាល់​ថ្ងៃ ក៏​ជា​ចំណែក​មួយ​ចូលរួម​ធ្វើ​ឲ្យ​សមត្ថភាព​ភ្នែក​ចុះ​ខ្សោយ​ដែរ។ ខាងក្រោមនេះជាអ្វីដែលយើងធ្វេសប្រហែស ក្នុងសកម្មភាពប្រចាំថ្ងៃ៖

១. មិន​ពាក់​វ៉ែនតា​ការពារ​កម្ដៅ​ថ្ងៃ

បើ​យើង​ឲ្យ​ភ្នែក​ត្រូវ​កម្ដៅ​ថ្ងៃ​ក្នុង​រយៈ​ពេល​យូរ វា​អាច​បណ្ដាល​ឲ្យ​រលាក​ផ្ទៃ​ខាង​លើ​នៃ​ភ្នែក ឬ​ក្នុង​ករណី​កម្រ​ខ្លះ អាច​កើត​ជា​មហារីក​ត្របក​ភ្នែក​ទៀត​ផង។

 

២. ញី​ភ្នែក

ស្បែក​ដែល​នៅ​ជុំ​ភ្នែក​មាន​សភាព​ទន់ ស្ដើង ហើយ​វា​ធ្វើ​ឲ្យ​ការ​ញី​ភ្នែក​អាច​ប៉ះពាល់​ដល់​សរសៃ​ឈាម​តូច​ៗ​នៅ​ក្រោម​ស្បែក និង​បណ្ដាល​ឲ្យ​ភ្នែក​ខ្មៅ ឬ​មើល​ទៅ​ហើម។

៣. គេង​មិន​គ្រប់​គ្រាន់

ការ​គេង​មិន​គ្រប់​គ្រាន់​អាច​បណ្ដាល​ឲ្យ​ភ្នែក​ឡើង​ក្រហម ភ្នែក​ខ្មៅ ភ្នែក​ស្ងួត ញាក់​ភ្នែក និង​ស្រវាំង​ភ្នែក។ មិន​ត្រឹម​តែ​ប៉ះពាល់​ដល់​ភ្នែក​ប៉ុណ្ណោះ​ទេ ការ​គេង​មិន​គ្រប់​គ្រាន់​ក៏​អាច​ប៉ះពាល់​ដល់​ផ្នែក​សុខភាព​ទូទៅ​របស់​យើង​បាន​ដែរ។

៤. មាន​របប​អាហារ​មិន​ល្អ

បើ​យើង​មិន​ញ៉ាំ​បន្លែ ឬ​ផ្លែឈើ​គ្រប់​គ្រាន់​ក្នុង​របប​អាហារ​ប្រចាំ​ថ្ងៃ មាន​ន័យ​ថា យើង​ទទួល​បាន​វីតាមីន ជាតិ​រ៉ែ និង​សារធាតុ​ចិញ្ចឹម​ផ្សេង​ទៀត​មិន​គ្រប់​គ្រាន់​សម្រាប់​សុខភាព​ភ្នែក។

ទន្ទឹមគ្នានិងនេះផងដែរ ការ​ញ៉ាំ​ទឹក​មិន​គ្រប់​គ្រាន់ ឬ​ញ៉ាំ​អាហារ​មាន​ជាតិ​សូដ្យូម​ខ្ពស់ អាច​ធ្វើ​ឲ្យ​រាង​កាយ​ខ្សោះ​ជាតិ​ទឹក ជាហេតុ​បណ្ដាល​ឲ្យ​ភ្នែក​ស្ងួត ផលិត​ទឹក​ភ្នែក​មិន​គ្រប់​គ្រាន់ ដើម្បី​ផ្ដល់​សំណើម​ដល់​ភ្នែក។

អត្ថបទដោយ៖ ​ពិសី

 

 

 

Related Articles