We TV Cambodia

ភាពថមថយកាន់តែខ្ពស់ចំពោះ ការវិនិយោគ ការសាងសង់ និងការលក់ទិញលក់អចលនទ្រព្យ ប្រសិនកូរ៉ូណា អូសបន្លាយ

ភាពថមថយកាន់តែខ្ពស់ចំពោះ ការវិនិយោគ ការសាងសង់ និងការលក់ទិញលក់អចលនទ្រព្យ ប្រសិនកូរ៉ូណា អូសបន្លាយ

ភ្នំពេញ៖ ស្របពេលដែលស្ថានភាពនៃជំងឺរាតត្បាតក្នុងប្រទេសកម្ពុជាកាន់តែច្រើនតែច្រើន អ្នកជំនាញមើលឃើញថា ស្ថានភាពនៃការសាងសង់ និង ការទិញលក់ អចលនទ្រព្យមានមានថមថយ និងធ្លាក់ចុះបន្តិច។ ដោយឡែក​ ការសាងសង់វិញមានផ្អាកបណ្តោះអាសន្នសិន។ អ្នកជំនាញថា បើស្ថាការណ៍បែបនេះកាន់តែអូសបន្លាយកាន់តែខ្លាំងនោះ និងរងផលប៉ះពាល់កាន់តែខ្លាំង។

លោក វ៉ា វី​រៈ នាយក​ក្រុមហ៊ុន Century 21 Fortuna Investment មាន​ប្រសាសន៍​ឱ្យ​ដឹងថា ការ​សាងសង់​អគារ​តូច​ធំ​នៅ​ពេល​កន្លង​មក​មិន​ទាន់​ឃើញ​មានការ​កាត់​បន្ថយ​ប៉ុន្មាន​ទេ ដោយ​អត់​ទាន់​ឃើញ​មាន​រង​ឥទ្ធិពល​ពី​វីរុស​កូ​រ៉ូ​ណា​។ ប៉ុន្តែ​ឥឡូវនេះ​ចំពោះ​ការ​ទិញ​-​លក់​វា​ហាក់ដូច​មានការ​កាត់​បន្ថយ​ខ្លះ​ៗ ។

បើ​ទោះបី​មិន​អាច​បង្ហាញ​ការ​វាយតម្លៃ​ពី​ផល​ប៉ះពាល់​មាន​ទំហំ​ប៉ុណ្ណា​នៅ​ក្នុង​វិស័យ​សំណង់​និង​អចលនទ្រព្យ​បាន​ក្នុង​អន្តរកាល​ខ្លី​នេះ​បាន តែ​អ្នកជំនាញ​រូប​នេះ​មើលឃើញ​ថាបើ Covid-19​នេះ មានការ​គ្រប់គ្រង​បាន​ក្នុង​រយៈពេល​ណាមួយ​ណាមួយ នោះ​វិស័យ​សំណង់​និង​អចលនទ្រព្យ​អាច​វិល​រក​ភាព​ប្រសើរ​ឡើង​វិញ​នៅ​កន្លះ​ឆ្នាំ​ក្រោយ ខណៈ​គម្រោង​ធំ​ៗ​អ្នកទិញ​ភាគច្រើន​ជា​ជនជាតិ​ចិន​និង​អ្នក​ទេសចរណ៍​ចិន​។ ​លោក​បាន​បន្ត​ថា « មក​ទល់​សព្វ​ថ្ងៃនេះ​យើង​មិន​ទាន់​អាច​ព្យា​ការណ៍​ដឹង​ថា​វិស័យ​សំណង់​កម្ពុជា​ប៉ះពាល់​កម្រិត​ណា​ទេ ព្រោះ​មូលហេតុ​វា​ទើប​ចាប់ផ្តើម​កើតឡើង​រង់ចាំ​មើល​បន្តិចទៀត ។ ប៉ុន្តែ​បើ​វា (​បញ្ហា​វីរុស​កូ​រ៉ូ​ណា​) ត្រូវ​ពេល​យូរ​ទៀត​នោះ វា​អាច​នឹង​ប៉ះពាល់​គួរសម​ដែរ ។ តែបើ​នៅ​ពេល​ខ្លី​ខាង​មុខ​នេះ​គេ​អាច​គ្រប់គ្រង​ស្ថានភាព​ជំងឺ​នេះ​បាន​នោះ​ស្ថានការណ៍​អាច​នឹង​វិល​ត្រឡប់​មក​វិញ​ក្នុង​រយៈពេល​កន្លះ​ឆ្នាំ​បន្ទាប់​»​។

លោក​ឧបនាយករដ្ឋមន្ត្រី​ជា សុ​ផា​រ៉ា រដ្ឋមន្ត្រីក្រសួង​រៀបចំ​ដែនដី នគ​រូបី​យ​កម្ម​និង​សំណង់​មាន​ប្រសាសន៍​ក្នុង​សន្និបាត​បូក​សរុប​លទ្ធផល​ការងារ​ឆ្នាំ​២០១៩​និង​លើក​ទិស​ដៅ​ការងារ​ឆ្នាំ​២០២០​របស់​សមាគម​អ្នក​អភិវឌ្ឍ​លំនៅ​ស្ថាន​កម្ពុជា​ថា «​កំណើន​សេដ្ឋកិច្ចជាតិ​បាន​កើនឡើង​ក្នុង​រង្វង់​៧,១%​ក្នុង​មួយ​ឆ្នាំ​និង​អាច​និយាយ​បាន​ថា​វិស័យ​អចលនវត្ថុ​ជា​វិស័យ​មួយ​ដែល​ជំរុញ​សេដ្ឋកិច្ចជាតិ​ក្នុង​ឆ្នាំ​២០១៩​នេះ​ដោយ​ក្នុង​នោះ​យើង​ឃើញ​ថា​ការ​វិនិយោគ​លើ​វិស័យ​នេះ​ក្នុង​ព្រះ រាជាណាចក្រ​កម្ពុជា​មាន​រហូត​ដល់​១១.០០០​លាន​ដុល្លារ​សហរដ្ឋអាមេរិក​ក្នុង​ឆ្នាំ​២០១៩ បើ​ប្រៀប ធៀប​នឹង​ឆ្នាំ​២០១៨​គឺ​មាន​តែ​៥៥០០​លាន​ដុល្លារ​សហរដ្ឋអាមេរិក​ប៉ុណ្ណោះ​គឺ​មានការ​កើនឡើង​រហូត​ដល់​៩០%»៕

អត្ថបទ៖ ឧត្តម

Related Articles