We TV Cambodia

ផ្សារលក់ទំនិញសង់ឡើងដោយវៀតណាម នៅជាប់ព្រំដែនក្នុងខេត្តត្បូងឃ្មុំ ត្រូវដាក់អោយដំណើរការនៅសប្តាហ៍ក្រោយ

ផ្សារលក់ទំនិញសង់ឡើងដោយវៀតណាម នៅជាប់ព្រំដែនក្នុងខេត្តត្បូងឃ្មុំ ត្រូវដាក់អោយដំណើរការនៅសប្តាហ៍ក្រោយ

ដោយៈ ទិន សុខាវុធ

ផ្សារ​លក់​ទំនិញ​គ្រប់មុខ​មួយ​ ស្ថិត​នៅជាប់ព្រំដែនវឿតណាម ក្នុង​ខេត្តត្បូ​ង​ឃ្មុំ ដែលត្រូវ​បានសង់​ឡើង​ នៅ​ក្រោម​ហិរញ្ញប្បទាន​​ចំនួន​ប្រមាណ $2,000,000 របស់រដ្ឋាភិបាលវៀត នឹង​ត្រូវ​បើក​សម្ពោធ​ដាក់​អោយ​ដំណើរការ​ជា​ផ្លូវការ​​នៅថ្ងៃ​អង្គារ​សប្តាហ៍​ក្រោយ​ នេះ​បើយោង​តាម​លោកនាយករដ្ឋ​មន្ត្រី ហ៊ុន សែន​ ។

នៅ​ក្នុង​ពិធីប្រគល់សញ្ញាបត្រដល់និស្សិតនៅ​ក្នុង​ក្រុង​ភ្នំពេញ កាលពីសប្តាហ៍មុន លោក​នាយ​ករដ្ឋ​មន្ត្រី​បាន​លើកឡើងថា លោកនឹង​ទៅ​ចូល​រួម​ក្នុងពិធី​បើកសម្ពោធ​ផ្សារ​នោះ​ដោយ​​ផ្ទាល់​ ពីព្រោះ​នៅពេលនោះ​ក៏មាន​លោក​នាយក​រដ្ឋ​មន្ត្រី​វៀតណាម​ Nguyen Xuan Phuc ទៅ​ចូល​រួម​ផង​ដែរ​។

ផ្សារ​លក់ទំនិញ​គ្រប់​មុខ​នោះ មានឈ្មោះថាជា
«ផ្សារដា» ដោយហេតុថា​ទីតាំង​របស់​វា​ស្ថិត​នៅ​ក្នុង​ឃុំ​ដា ក្នុង​ខេត្ត​ត្បូងឃ្មុំ។
វា​ក៏​នឹង​ជា​ផ្សារ​ដំបូង​គេ​បំផុត​ ដែល​ស្ថិត​នៅ​ជាប់​នឹងព្រំដែន​វៀតណាម
ស្ថិត​ក្នុង​តំបន់សេដ្ឋកិច្ចពិសេស « Thary Tbaung Khmum Special Economic Zone» ៕

Related Articles