We TV Cambodia

ផ្សារទំនើប Prince Huan Yu ដ៏ធំនៅក្រុងព្រះសីហនុ នឹងបើកដំណើរការ នៅចុងឆ្នាំនេះ

ដោយៈ ទិន សុខាវុធ

ផ្សារ​ទំនើប «Prince Huan Yu» ស្ថិត​នៅ​ក្នុង​ខេត្ត​ព្រះ​សីហនុ
នឹងបើក​សម្ពោធ​​ដាក់អោយ​ដំណើរការ​ នៅចុង​ឆ្នាំ​នេះ​។

លោក Lei Bo អគ្គនាយក​ក្រុមហ៊ុន  Prince Huan Yu Real Estate បាន​ថ្លែង​ប្រាប់អ្នកសារព័ត៌មាន​ពីការបើកសម្ពោធ​ផ្សារទំនើប​នេះ
នៅ​ក្នុង​សន្និសីទ​សារព័ត៌មាន​មួយ ​ដែលត្រូវ​បាន​ធ្វើឡើង​នៅ​លើ​កោះពេជ្រ​កាល​ពី​ពេលថ្មីៗ​នេះ​។

យោង​តាម​លោក Lei Bo ផ្សារ​ទំនើប​មួយ​នេះ នឹង​ជាផ្សារ​ទំនើបដ៏​ធំ​ជាង​គេនៅក្រុង​ព្រះ​សីហនុ។
ហើយ​​​រហូត​មកដល់ពេលបច្ចុប្បន្ន​នេះ ផ្សារ​ទំនើប​មួយ​នេះ​បានទាក់ទាញក្រុមហ៊ុន​លក់​ផលិតផលល្បី​ៗ​ជាង
១០០ ក្រុមហ៊ុន​មក​ហើយ​។

ជាក់ស្តែង មានក្រុមហ៊ុនមួយ​ចំនួន​ដូចជា Coach, Starbucks, ADIDAS,
Pedro, TEN11, Samsonite
បាន​មក​ជួល​កន្លែង​បើកហាង​លក់ទំនិញរបស់ពួកគេ ហើយ​ក៏​មាន​ក្រុមហ៊ុន​ល្បី​ៗ​ជា​ច្រើនទៀត​ដែរ
បាន​ជួល​រៀបចំបើក​កន្លែង​​កំសាន្ត​​ជា​ច្រើន មាន​ដូច​ជា​ Legend Cinema ជាដើម​។

លោក Lei Bo បាន​បន្ថែម​ទៀត​ថា ក្រោយ​ពី​បើកសម្ពោធ​ជា​ផ្លូវការ
ផ្សារ​ទំនើប Prince
Huan Yu មិន​ត្រឹមតែ​ជា​ទីផ្សារ​សំរាប់លក់ទំនិញ​​តែប៉ុណ្ណោះទេ
វា​នឹងក្លាយ​ជា​ទី​កន្លែង​សំរាប់​ជួបជុំគ្នា​ដ៏​ល្អ​ប្រណិតមួយ នៅ​ភាគ​ខាង​ត្បូង​នៃប្រទេស​កម្ពុជា​។

មួយវិញទៀត លោក​ Lei Bo បាន​គូស​បញ្ជាក់​ថា​ ក្រុមហ៊ុន Prince Huan Yu Real Estate
របស់​លោក​​បាន​និង​កំពុង​វិនិយោគ ​ប្រកបដោយ​ភាព​ជោគជ័យ នូវ​គំរោង​មួយ​ចំនួន នៅ​ទីក្រុង​ភ្នំពេញ
ក៏​ដូច​ជា​នៅ​ក្នុង​ខេត្ត​ព្រះ​សីហនុ​។ គំរោង​ទាំងនោះមានដូចជា Prince Huan Yu Center, Prince
Huan Yu Golden Bay, Prince Huan Yu Financial Tower ជាដើម
ដែល​អាច​បង្កើត​ការងារ​ចំនួនរាប់ពាន់ សំរាប់​ប្រជាពលរដ្ឋកម្ពុជា៕

Related Articles