We TV Cambodia

ប្រទេស​សិង្ហបុរី ហ្វីលីពីន​ និង​​កូរ៉េ​ខាង​ត្បូង​ ​ហាម​មិនឱ្យអ្នកដំណើរអង់គ្លេសចូលប្រទេសរបស់ខ្លួន

ប្រទេស​សិង្ហបុរី ហ្វីលីពីន​ និង​​កូរ៉េ​ខាង​ត្បូង​ ​ហាម​មិនឱ្យអ្នកដំណើរអង់គ្លេសចូលប្រទេសរបស់ខ្លួន

ក្នុងរយះពេលប៉ុន្មានសប្ដាហ៏ថ្មិៗនេះ វីរុស​កូរ៉ូណា​ប្រភេទ​ថ្មី ត្រូវ​បាន​គេ​រក​ឃើញ​ថា​ចម្លង​ខ្លាំងក្លា​ទៅ​លើ​ប្រជាជន​នៅ​ក្នុង​ប្រទេសអង់គ្លេស​ភាគ​ខាង​ត្បូង​  ដែល​បាន​ធ្វើ​ឲ្យ​ប្រទេស​ប្រមាណ​ជាង ​៤០​ បាន​ដាក់​បម្រាម​អ្នក​ធ្វើ​ដំណើរ​ចេញពី​ប្រទេស​អង់គ្លេសមិន​ឲ្យ​ចូល​ប្រទេស​របស់​ខ្លួន​នោះទេ។ ក្នុងនោះផងដែរ មានប្រទេស​សិង្ហបុរី ហ្វីលីពីន​ និង​ប្រទេស​កូរ៉េ​ខាង​ត្បូង​ ទើប​តែ​បាន​ដាក់​បម្រាម​របស់​ខ្លួន​​ ជា​មួយ​បណ្តា​ប្រទេស​ផ្សេងៗ​ទៀត​ដែរ​ ដែល​បាន​ហាម​ប្រាម​អ្នក​ធ្វើ​ដំណើរ​មក​ពី​ប្រទេស​អង់គ្លេស​នោះ។

​ ប្រទេស​សិង្ហបុរី​ ​បាន​ដាក់​បម្រាម​ដោយ​មិន​កំណត់​រយៈ​ពេល​ លើរាល់​អ្នក​ដំណើរ​ទាំង​អស់​ដែល​ចេញ​ពី​ប្រទេស​អង់​គ្លេសមិន​ឲ្យ​ចូល​មកប្រទេស​របស់ខ្លួន​ឡើយ​ ​។​ ប្រទេស​ហ្វីលី​ពីន​ បាន​ផ្អាក​គ្រប់​ជើង​ហោះ​ហើរ​របស់​ខ្លួន​ទៅ​កាន់​ប្រទេស​អង់គ្លេស​ ចាប់​ពី​ថ្ងៃ​ព្រហស្បតិ៍​ទៅ​ គឺ​រយៈពេល​មួយ​ថ្ងៃ​មុន​ថ្ងៃបុណ្យ​ណូអែល និងឆ្លងឆ្នាំសកល​។ ​ចំណែក​ឯ​កូរ៉េ​ខាង​ត្បូង​នឹង​ធ្វើ​ការ​ផ្អាក​ជើង​ហោះ​ហើរ​ចេញ​ពីអង់​គ្លេស​មក​ប្រទេស​របស់​ខ្លួន នៅ​ថ្ងៃ​ព្រហស្បតិ៍​ សប្តាហ៍​ក្រោយ គឺ​នៅ​មុន​ថ្ងៃ​ចូល​ឆ្នាំ​សាកល​មួយ​ថ្ងៃ។

ប៉ុន្តែ​ប្រទេស​បារាំង​បានដក​ចេញនូវ​បម្រាម​របស់​ខ្លួន​ ដែល​បាន​ដាក់​រយៈ​ពេល​៤៨​ម៉ោង​ កាល​ពី​ថ្ងៃ​ចន្ទ​កន្លង​ទៅ​ សម្រាប់ការ​ធ្វើ​ដំណើរ​ទាំង​អស់​មក​ពី​ប្រទេស​អង់គ្លេស​នោះ​ ដោយ​អនុញ្ញាត​ឲ្យ​អ្នក​ធ្វើ​ដំណើរ​និង​រថយន្ត​ដឹក​ទំនិញទាំង​អស់​មក​ពី​ប្រទេស​អង់គ្លេស​ អាច​ចូល​ក្នុងប្រទេស​បារាំង​បាន​ ដ៏​រាប​ណា​អ្នក​ទាំង​នោះ​ ធ្វើ​តេស្ត​ពុំ​មាន​វីរុស​កូរ៉ូណា​ ក្នុង​រយៈ​ពេល​៧២​ម៉ោង​មុន។

អត្ថបទដោយ៖ ​ពិសី

Related Articles