ប្រទេសអភិវឌ្ឍន៍ តែមនុស្សមិនអភិវឌ្ឍន៍៖ ក្រោយភ្លៀងមួយមេធំក្នុងខេត្តព្រះសីហនុ សំរាមយ៉ាងច្រើនហូរចូលអូរ

សំរាមនៅតែចោទជាបញ្ហាសម្រាប់អត្តចរិកប្រជាពលរដ្ឋកម្ពុជាមួយចំនួន ដែលចោលសំរាមផ្ដេសផ្ដាសគ្មានសណ្ដាប់ធ្នាប់ ហើយពួកគេតែងតែស្រែកក្ដែងៗចង់ឃើញប្រទេសអភិវឌ្ឍន៍ ខណៈដែលអត្តចរិកខ្លួនឯងគ្មានអ្វីអភិវឌ្ឍន៍បន្តិចសោះ។

ជាក់ស្ដែងយោងតាមការបង្ហោះនៅលើទំព័រហ្វេសប៊ុកផ្លូវការរបស់ឯកឧត្តម គួច ចំរើន អភិបាលខេត្តព្រះសីហនុ បានឲ្យដឹងថា បន្ទាប់ពីមានភ្លៀងមួយមេកាលពីយប់ ព្រឹកឡើងបែរជាឃើញសំរាមយ៉ាងច្រើនបានហូរចូលពេញ​អូរ និងស្ទើរតែហូរចូលទៅសមុទ្រទៀតផង តែសំណាងដែលមានម៉ាស៊ីនចាប់សំរាមស្ទាក់ចាប់បាន។

យ៉ាងណាក៏ដោយ សូមប្រជាពលរដ្ឋខ្មែរទាំងអស់មេត្តាកុំបោះចោលសំរាមផ្ដេសផ្ដាស និងទុកដាក់សំរាមឲ្យបានត្រឹមត្រូវ ជៀសវាងការហូរចូលអូ និងសមុទ្រជាដើម ដែលធ្វើឲ្យប៉ះពាល់ដល់ជីវិតសត្វ និងធម្មជាតិ ហើយក៏ធ្វើឲ្យបាត់បង់សោភណ្ឌភាពទីក្រុងផងដែរ ខណៈដែលរដ្ឋាភិបាលកំពុងខិតខំក្នុងការអភិវឌ្ឍន៍ឲ្យរីកចម្រើនទៅមុខផងដែរ។

អត្ថបទដោយ៖ Nevin