We TV Cambodia

ប្រទេសចិន៖ ទីផ្សារនាំចេញទូរស័ព្ទដៃក្នុងតំបន់ ធ្លាក់ចុះ៥៦% ត្រឹមដើមឆ្នាំ២០២០

ប្រទេសចិន៖ ទីផ្សារនាំចេញទូរស័ព្ទដៃក្នុងតំបន់ ធ្លាក់ចុះ៥៦% ត្រឹមដើមឆ្នាំ២០២០

ទីផ្សារនាំចេញទូរស័ព្ទដៃក្នុងស្រុក ក្នុងខែកុម្ភៈនេះ មានចំនួន ៦,៣៨ លានគ្រឿង ពោលមានការធ្លាក់ចុះចំនួន ៥៦ ភាគរយបើធៀបទៅនឹងកាលពីឆ្នាំមុន។ បន្ថែមពីលើនេះទៅទៀត បើយយោងតាមរបាយការណ៍ដែលចេញផ្សាយដោយបណ្ឌិត្យសភាបច្ចេកវិទ្យាព័ត៌មាន និង គមនាគមន៍ចិន(CAICT )​ កាលពីថ្ងៃចន្ទបានឱ្យដឹងថាចំនួនទូរស័ព្ទដែលប្រើបច្ចេកវិទ្យាចុងក្រោយ  5G បានចែកចាយក្នុងតំបន់ មានចំនួន ២,៣៨ លានគ្រឿង ស្មើនឹង ៣៧,៣ ភាគរយនៃចំនួនសរុប។

ជាទូទៅ ទីផ្សារទូរស័ព្ទដៃក្នុងតំបន់ មានចំនួន ១៦ប្រភេទ ហើយត្រូវលក់ចេញ ក្នុងខែកុម្ភៈនេះ បានខាតបង់ ៦១ភាគរយ ដែលក្នុងនោះ មានប្រភេទប្រភេទទូរស័ព្ទដៃប្រើបច្ចេកវិទ្យា​4G ចំនួន ៥ម៉ូដែល និង ១១ម៉ូដែលទៀត ជាទូរស័ព្ទប្រភេទ5G។

ក្នុងចំណោមទូរស័ព្ទម៉ូឌែល ក្នុងស្រុកទាំងអស់ កាលពីខែកុម្ភៈនេះ ត្រូវបានគេមើលឃើញថាប្រភេទទូរស័ព្ទទំនើប១០ម៉ូឌែល មានការលក់ចេញ ថយចុះដល់ទៅ៧០.៦ភាគរយ ដែលបរិមាណសរុបនៃការនាំ​ចេញនេះ មានចំនួនដល់ទៅ៥.៨៦លានគ្រឿង ហើយការធ្លាក់ចុះនេះបើគិតជាប្រចាំឆ្នាំវិញ គឺមានចំនួន ៥៥.៣% ស្មើរនឹង៩១.៨% នៃចំនួនសរុបទាំងអស់គ្រប់ម៉ូឌែល។

យោងតាម ​​CAICT បានបន្ដទៀតថា ទីផ្សារនាំចេញក្នុងស្រុក មានចំនួនថយចុះ នាខែកុម្ភៈ ខណៈកាលពីខែ មករាកន្លងទៅ ការនាំចេញមានចំនួន ២០.៨១លានគ្រឿង ដោយប្រភេទទូរស័ព្ទប្រើបច្ចេកវិទ្យា ៤ជី មានចំនួន ប្រហែល១៥លានគ្រឿង​ និង ៥ជីមានប្រហែល ៥.៤៧លាគ្រឿង។ ដូច្នេះក្នុងរយៈពេលពីរខែដំបូងនៃឆ្នាំ ២០២០ ទីផ្សារទូរស័ព្ទ កំពុងប្រឈមមុខនឹងការធ្លាក់ចុះ ដោយការនាំចេញសរុប មានចំនួន ២៧,១៩ លានគ្រឿង ត្រូវនឹង ៤៤ % បើប្រៀបធៀបនឹងឆ្នាំមុន។

អត្ថបទដោយ៖ Stince

ប្រភព៖ក្រៅស្រុក

Related Articles