We TV Cambodia

បានម្ហូបយ៉ាងឆ្ងាញ់ពិសារ ដោយគ្រាន់តែមាន ឆ្អឹងជំនី ​និងកាពិ

បានម្ហូបយ៉ាងឆ្ងាញ់ពិសារ ដោយគ្រាន់តែមាន ឆ្អឹងជំនី ​និងកាពិ

ស្រ្ដីមេផ្ទះគ្រប់រូប ពិបាករកមុខម្ហូបសម្រាប់គ្រួសារណាស់មែនទេ? ថ្ងៃនេះ​We TV Cambodia សូមណែនាំម្ហូបថ្មីហើយប្លែក​ដោយគ្រាន់់តែមានឆ្អឹងជំនីជ្រូក និងកាពិ តែប៉ុណ្ណោះ។ មុខម្ហូបនោះមានឈ្មោះថា​ ឆ្អឹងជំនីបំពងកាពិ ដែលក្នុងម្ហូបនេះដែរ យើងចំណាយគ្រឿងផ្សំចំបងតែពីមុខ តែអាចធ្វើបានម្ហូបមួយចានបានយ៉ាងឆ្ងាញ់ពិសារ។លើសពីនេះ វាក៏ជាគ្រឿងក្លែមសម្រាប់បរិភោគនៅពេលមានកម្មវិធីជួបជុំផងដែរ។

គ្រឿងផ្សំ៖

១. ឆ្អឹងជំនីជ្រូក (កាត់ជាដុំល្មម)

២. កាពិ

៣. គ្រឿងបុក ( គល់ស្លឹកគ្រៃ រមៀត រំដេង ខ្ទឹមស ស្លឹកក្រូចសើច)

៤. ម្ទេសក្រៀមម៉ត់

៥. ស្ករត្នោត ទឹកត្រី ម្សៅស៊ុប អំបិល

៦. ស្លឹកក្រូចសើច

៧. ខ្ទឹមសចិញ្ច្រាំ

របៀបធ្វើ៖

  • ប្រលាក់ឆ្អឹងជំនីជ្រូកជាមួយម្សៅស៊ុបបន្តិច ហើយយកវាទៅបំពងឲ្យឡើងក្រហមឆ្អិនល្អ រួចដួសទុកមួយឡែក។
  • បំពងខ្ទឹមសចិញ្ច្រាំឲ្យមានក្លិនឈ្ងុយហើយដាក់កាពិ គ្រឿងបុក និងម្ទេសម៉ត់លាយចូលគ្នាឲ្យសព្វសិនសឹមដាក់ ស្ករត្នោត ទឹកត្រី ម្សៅស៊ុប អំបិល និងទឹកបន្តិចចូលតាមក្រោយ ទុករំងាស់វារហូតដល់វាមានរស់ជាតិល្មម(ភ្លក់តាមការចូលចិត្ត) ។
  • បន្ទាប់មកដាក់ឆ្អឹងជំនីជ្រូកដែលយើងបំពងហើយនោះ ចូលជាមួយគ្រឿងដែលយើងកំពុងរំងាស់ហើយកូរវាឲ្យសព្វ ទុកវាមួយសន្ទុះទើបដាក់ស្លឹកក្រូចបន្ថែមក្លិនឈ្ងុយជាការស្រេច។

អត្ថបទដោយ៖ ពិសី

 

Related Articles