We TV Cambodia

នុះ..! ហ្វីលីពីនផ្អាកទិដ្ឋាការ ​ម៉ាឡេស៊ី បិទជើងហោះហើរពី ចិនមួយរយៈ ខណៈកម្ពុជានៅអនុញ្ញាតនៅឡើយ​

នុះ..! ហ្វីលីពីនផ្អាកទិដ្ឋាការ ​ម៉ាឡេស៊ី បិទជើងហោះហើរពី ចិនមួយរយៈ ខណៈកម្ពុជានៅអនុញ្ញាតនៅឡើយ​
រូបភាពឯកសារ

មេរោគ កូរ៉ូណា កំពុងតែក្លាយជាប្រធានបទយ៉ាងក្ដៅគគុក បន្ទាប់ពីមេរោគមួយនេះ​ បានវាយលុក​យ៉ាងខ្លាំងក្លា​ក្នុងប្រទេសចិន ទីក្រុង វូហាន ខណៈដែលគិតមកទល់ពេលនេះ កូរ៉ូណា បានសម្លាប់ ជន​ជាតិចិន ជាងរាប់រយនាក់ និង កំពុងផ្ទុករាប់ពាន់នាក់ទៀត។ បណ្ដាប្រទេសនៅទូទាំងអាស៊ី កំពុងតែ​កត់​សំគាល់​យ៉ាងយកចិត្ដទុកដាក់ ជាមួយនឹងការរាតត្បាតពង្រីកខ្លួននៃមេរោគមួយនេះ ហើយក៏ព្យា​យាម​​រកវិធី បញ្ជៀសផងដែរ ដូចជា​ប្រទេស ហ្វីលីពីនជាដើម ថ្មីៗនេះ បានបិទ ទិដ្ឋាការដល់ប្រជាជន​ចិន បណ្ដោះអាសន្នមិនឲ្យចូលទៅកាន់ប្រទេសនោះទេ ចំណែកជើងហោះហើរ ពីប្រទេសម៉ាឡេស៊ី ទីក្រុង kota kinabalu ក៏បានបិទ ជើងហោះហើរ ពីប្រទេសចិនទាំងស្រុងដែរ ដើម្បីការពារ និង ឲ្យច្បាស់​លាស់ ថាប្រទេសពួកគេ នឹងមិនមានមេរោគនេះ រាតត្បាតដល់ប្រជាជន។

រដ្ឋាភិបាលហ្វីលីពីន បានសម្រេចបិទ ទិដ្ឋាការបណ្ដោះអាសន្ន ដោយមិនអនុញ្ញាតឲ្យប្រជាជនចិន ធ្វើដំណើរ ចូលទៅទីនោះទេ ដើម្បីបញ្ជៀស ក៏ដូចជាការធានាឲ្យបាន នូវសុវត្ថិភាព ដល់ប្រជាជនរបស់ខ្លួន ពីការ ហូរចូល​នូវជំងឺដ៏កាចសាហាវមួយនេះ។ លោក Jaime Morente ប្រធានការិយាល័យអន្តោប្រវេសន៍ហ្វីលីពីន បានបញ្ជាក់ថា “យើងកំពុងចាត់វិធានការចាំបាច់នានា ដើម្បីទប់ស្កាត់ការរីកសាយ និងមិនឲ្យមេរោគកូរ៉ូណា ចូលមកក្នុងប្រទេសរបស់យើង… ដូច្នេះយើងនឹងផ្អាកការផ្ដល់ទិដ្ឋាការទេសចរណ៍ ចូលមកក្នុងប្រទេសហ្វីលីពីន សម្រាប់ជនជាតិចិនជាបណ្ដោះអាសន្ន”។

ក្រុមហ៊ុនជើងហោះហើរ Air Asia ពីទីក្រុង kota kinabalu ប្រទេសម៉ាឡេស៊ី ទៅកាន់ប្រទេសចិន ក៏បានផ្អាកជាបណ្ដោះអាសន្នដែរ ក្រោយពីដឹងដំណឹង មេរោគដ៏កាចសាហាវនេះ កំពុងតែរីករាលដាលគួជាទីកត់សំគាល់។

ដោយឡែក នៅឡើយតែប្រទេសកម្ពុជា​កាលពីពេលថ្មីៗនេះ យោងតាមសម្ដីរបស់លោកស្រី ឱ វ៉ាន់ឌីន អ្នកនាំពាក្យរបស់ក្រសួងសុខាភិបាល បានថ្លែងក្នុង ​ក្នុងសន្នីសីទ​សារព័ត៌មាន​នៅយប់​ថ្ងៃទី ២៧ ខែមករានេះថា កម្ពុជានឹង មិនបិទជើងហោះហើរពីប្រទេសចិននោះទេ ខណៈដែលប្រទេសជឿនលឿន មួយចំនួន បានបិទព្រំដែន​ ពីការចេញចូលពីប្រទេសចិន។​

គូសបញ្ជាក់ផងដែរថា កម្ពុជា​រក​ឃើញ​វីរុសប្រភេទ​ថ្មី​​កូរ៉ូណា​លើក​ដំបូង នៅ​លើ​ជនជាតិ​ចិន​ម្នាក់​ នៅខេត្តព្រះសីហនុ អ្នកជំងឺ​​ដែល​ផ្ទុក​វីរុសកូរ៉ូណា ភេទ​ ប្រុស​ អាយុ​ ៦០​ឆ្នាំ​ ធ្វើដំណើរពី​ ក្រុង​ វូហាន​ ជាមួយគ្រួសារ​ ៤នាក់​ តែ​វិជ្ជមាន​តែគាត់ម្នាក់​ ។​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​

រូបភាពឯកសារ

អត្ថបទដោយ៖ អឿ អ៊ុយ

ប្រភព៖ NST & ក្នុងស្រុក

Related Articles