We TV Cambodia

នាវា​ដឹក​អ្នក​ដំណើរ​រ​វាង​កម្ពុជា-វៀតណាម​ ត្រូវ​ដាក់​អោយ​ដំណើរការ

នាវា​ដឹក​អ្នក​ដំណើរ​រ​វាង​កម្ពុជា-វៀតណាម​ ត្រូវ​ដាក់​អោយ​ដំណើរការ

ដោយៈ ទិន សុខាវុធ

នាវា​​ដឹក​​អ្នក​ដំណើរ​ដ៏​ប្រណិត​មួយ​មាន​ឈ្មោះ​ថា Mekong Jewel របស់​ក្រុមហ៊ុន​​អាមេរិក Uniworld Boutique River Cruise Collection ត្រូវ​បាន​សម្ពោធ​ដាក់​អោយ​ដំណើរ​​ការដឹក​អ្នក​ដំណើរ​​រវាង​កម្ពជា​និង​វៀតណាម​ កាល​ពី​ថ្ងៃ​ទី ៣ មករា ឆ្នាំ ២០២០ កន្លង​ទៅ​នេះ​។

លើស​ពី​នេះ​ទៀត នាវា​ដឹក​អ្នក​ដំណើរ​រវាង​​កម្ពុជា​និង​វៀតណាម​ Mekong Jewel នេះគ្រាន់​តែ​ជា​នាវា​មួយ ក្នុង​ចំណោម​នាវា​ទាំង​ ៤ ​របស់​ក្រុមហ៊ុន Uniworld ដែល​​នឹង​ត្រូវ​ដាក់​អោយ​ដំណើរការ​​ដឹក​អ្នក​ដំ​ណើរ​នៅ​ក្នុង​ឆ្នាំ ២០២០ នេះ​នៅ​ក្នុងប្រទេស​មួយចំនួន​ទៀត​​។ នាវា​ទាំងនោះ​រួម​មាន SS La Venezia នឹង​ត្រូវ​ដាក់​អោយ​ដំណើរការ​ នៅ​ខែ​មិនា​ឆ្នាំ ២០២០ នេះ នៅ​ក្នុង​ប្រទេស​អ៊ីតាលី​​​​ នាវា​ដេឹក​អ្នក​ដំណើរ Sao Gabriel នឹង​ត្រូវ​ដាក់​អោយ​ដំណើរការ​នៅ​ខែ​ក្រោយ​​​នៅ​ក្នុង​ប្រទេស​ព័រទុយហ្គាល់​ នាវា​ដឹក​អ្នក​ដំណើរ  SS La Sphinix នឹង​ត្រូវ​ដាក់​អោយ​ដំណើការ​នៅ​ខែ​ កញ្ញា​ ឆ្នាំ ២០២០ នៅ​ក្នុង​ប្រទេស​អេស៊ីប​។

យ៉ាង​ណា​ម៉ិញ នាវា​ដឹក​អ្នក​ដំណើរ Mekong Jewel មាន​ប្រវែង​​ ៨០ មែត្រ​ និង​ទទឹង​ ១៣ ម៉ែត្រ អាច​ដឹក​អ្នក​ដំណើរ​បាន​រហូត​ដល់​ ៦៨ នាក់ រួម​ទាំង​ក្រុម​​នាវិក​ចំនួន ៤៤ នាក់​ថែម​ទៀត​​​។ នាវា​នេះ​​ត្រូវ​បាន​ផលិត​ឡើង​ដោយ​​ក្រុមហ៊ុន​​ផលិត​នាវា Damen Song Cam Shipyard នៃ​​ប្រទេស​វៀត​ណាម​។

មួយវិញទៀត នាវា Mekong Jewel នឹង​ត្រូវ​ធ្វើ​ដំណើរ​ចំនួន ១៣ ថ្ងៃ​ រវាង​ក្រុង​សៀមរាប​និង​ក្រុង​ហូជីមិញ​។ ហើយ​​នៅ​ក្នុង​កំឡុងពេល​​នៃ​ការធ្វើដំណើរ​នេះ អ្នក​ដំណើរ​ទាំងឡាយ​នឹង​អាច​មាន​ឱកាស​ទស្សនា​កំសាន្ត​ ទី​កន្លែង​ទេសចរណ៍​ដ៏​ល្បី​ៗ​ មាន​ដូច​ជា​ប្រាសាទ​អង្គរ​វត្ត​និង​វត្ត​ហ័នជ័យ​ជា​ដើម​៕

Related Articles