ធ្លាប់​ដឹងអត់ថា ផ្កា​កុ​លាប ជាឱសថ «​ព្យាបាល​រោគស្រ្តី​»បានយ៉ាង​ពូកែ​​ហួស​​ស្មាន

ផ្កាកុលាប គឺជារុក្ខជាតិដែលគេយកវាសម្រាប់មកដាំដើម្បីធ្វើជាសួនច្បារលម្អ​ផ្ទះ កន្លែងកម្សាន្ត និងធ្វើជាបាច់ផ្កា​សម្រាប់​​​មនុស្សជាទី​ស្រ​លាញ់។ បុន្តែរុក្ខជាតិនេះវាក៏ជាឱសថមួយយ៉ាងពូកែផងដែរ។ ខាងក្រោមនេះគឺជារបៀបប្រើប្រាស់រុក្ខជាតិនេះ៖

១. ផ្នែកប្រើប្រាស់

ប្រើឬស ស្លឹក និងជាពិសេសផ្កា។

២. រសជាតិ

ផ្អែមឡែមៗ ធាតុក្តៅមធ្យម។

៣. សមាសធាតុគីមី

ក្នុងផ្កាមានជាតិប្រេង ពី 0.013 ទៅ 15% សំខាន់មានជាតិ Citronellol 23,89%,Geraniol 12,78%, Phenethyl alcol 16,36%, Slearoptenes 22%

៤. ការព្យាបាល

ផ្កាៈ ព្យាបាល រដូវមិនទៀត ឈឺពោះពេលមករដូវ កើតបូស និងរលាកស្បែកមានខ្ទុះ ម្រេញ។

ឬសៈ ព្យាបាល របួសបើកទង្កិច ធា្លកស ហូទឹកកាមពេលយប់។

៥. កម្រិត និង របៀបប្រើប្រាស់

ផ្កាៈ ពី 2 ទៅ 10g ឆុងទឹកផឹកក្នុង១ថ្ងៃ។

ឬសៈពី 10 ទៅ 15g ឆុងទឹកផឹកក្នុង១ថ្ងៃ។

ហាមប្រើ​សម្រាប់​ស្រ្តីមានផ្ទៃពោះ (ចំពោះផ្កា)។

អត្ថបទដោយ៖ ពិសី