We TV Cambodia

ធនាគារ J Trust Royal Bank នឹងចូលរួមជាដៃគូទូទាត់សេវាសាធារណៈជាមួយក្រសួងសាធារណការ និងដឹកជញ្ជូន

ធនាគារ J Trust Royal Bank នឹងចូលរួមជាដៃគូទូទាត់សេវាសាធារណៈជាមួយក្រសួងសាធារណការ និងដឹកជញ្ជូន
ធនាគារ J Trust Royal Bank (ប្រភព៖ Google)

ធនាគារ J Trust Royal Bank នឹងចូលរួមជាដៃគូទូទាត់សេវាសាធារណៈជាមួយក្រសួងសាធារណការ និងដឹកជញ្ជូន ដើម្បីសម្រួលដល់ការទូទាត់របស់បងប្អូនប្រជាពលរដ្ឋ។ នេះបើតាមការជួបពិភាក្សាការងារជាមួយគណៈប្រតិភូធនាគារ J Trust Royal Bank ដឹកនាំដោយលោកស្រី ហង់ ជូនណារីតា នាយិកា នាយកដ្ឋានសេវាកម្មធនាគារផ្នែកសាជីវកម្ម។

ឯកឧត្ដមទេសរដ្ឋមន្ត្រី ស៊ុន ចាន់ថុល (ប្រភព៖ ហ្វេសប៊ុក)

ជំនួបនេះដែរ មានគោលបំណងក្នុងការបង្កើតកិច្ចសហការរវាងធនាគារ J Trust Royal Bank និងអគ្គនាយកដ្ឋានដឹកជញ្ជូនផ្លូវគោក នៃក្រសួងសាធារណការ និងដឹកជញ្ជូន ក្នុងការផ្ដល់ជម្រើសទូទាត់សេវាសាធារណៈជូនបងប្អូនប្រជាពលរដ្ឋ នៅក្នុងព្រះរាជាណាចក្រកម្ពុជា ដើម្បីរួមចំណែកជំរុញសេវាសាធារណៈឲ្យបានឆាប់រហ័ស តម្លាភាព និងប្រសិទ្ធភាពខ្ពស់។

ជំនួបរវាង ឯកឧត្ដមទេសរដ្ឋមន្ត្រី ស៊ុន ចាន់ថុល ជាមួយ លោកស្រី ហង់ ជូនណារីតា (ប្រភព៖ ហ្វេសប៊ុក)

ឯកឧត្ដមទេសរដ្ឋមន្ត្រី ស៊ុន ចាន់ថុល បានជម្រាបជូនធនាគារ J Trust Royal Bank ថា៖ ការបង់កម្រៃសេវាសាធារណៈទាំងអស់មកក្រសួងសាធារណការ និងដឹកជញ្ជូន ត្រូវបានធ្វើឡើងតាមរយៈភ្នាក់ងារហិរញ្ញវត្ថុ និង ធនាគារជាដៃគូរ ដែលរួមមាន៖ ស្មាតលុយ, លីហួរ, តារាផេ, ធនាគារអេស៊ីលីដា, ធនាគារកម្ពុជា, និងធនាគារវីង ដែលអាចបង្កភាពងាយស្រួល និងចំណេញពេលវេលាសម្រាប់បងប្អូនប្រជាពលរដ្ឋក្នុងការទូទាត់ថ្លៃសេវាសាធារណៈទាំងនោះ។

ជំនួបរវាង ឯកឧត្ដមទេសរដ្ឋមន្ត្រី ស៊ុន ចាន់ថុល ជាមួយ លោកស្រី ហង់ ជូនណារីតា (ប្រភព៖ ហ្វេសប៊ុក)

ជាមួយគ្នានោះផងដែរ ឯកឧត្ដមទេសរដ្ឋមន្ត្រី បានផ្ដល់អនុសាសន៍ឱ្យប្រតិភូធនាគារ ជេ ត្រាស់ រ៉ូយ៉ាល់ សិក្សាអំពីនីតិវិធី និងបច្ចេកទេសជាមួយនាយកដ្ឋានព័ត៌មានវិទ្យា និងទំនាក់ទំនងសាធារណៈ របស់ក្រសួងសាធារណការ និងដឹកជញ្ជូនក្នុងការតភ្ជាប់រវាងប្រព័ន្ធទាំងពីរ៕

ជំនួបរវាង ឯកឧត្ដមទេសរដ្ឋមន្ត្រី ស៊ុន ចាន់ថុល ជាមួយ លោកស្រី ហង់ ជូនណារីតា (ប្រភព៖ ហ្វេសប៊ុក)
ជំនួបរវាង ឯកឧត្ដមទេសរដ្ឋមន្ត្រី ស៊ុន ចាន់ថុល ជាមួយ លោកស្រី ហង់ ជូនណារីតា (ប្រភព៖ ហ្វេសប៊ុក)

អត្ថបទដោយ៖ Nevin

Related Articles