We TV Cambodia

ធនាគារ អេ ស៊ី លី ដា អាចរកបានប្រាក់ចំណេញ ដល់ទៅ ១២០លានដុល្លារអាមេរិក ក្នុងឆ្នាំ២០១៩

ធនាគារ អេ ស៊ី លី ដា អាចរកបានប្រាក់ចំណេញ ដល់ទៅ ១២០លានដុល្លារអាមេរិក ក្នុងឆ្នាំ២០១៩

ACLEDA Bank Plc បានបំបែកកំណត់ត្រារបស់ខ្លួន អាចរកបា្រក់ចំណូលបានរហូតដល់ទៅ ១២០លានដុល្លារ ក្នុងឆ្នាំ២០១៩ ដែលទិន្នន័យនេះមានការកើនឡើង ១.៩% បើធៀបទៅនឹង​ឆ្នាំ២០១៨​។ នេះបើយោងតាមរបាយការណ៍ប្រចាំឆ្នាំរបស់ ធនាគារ។

របាយការណ៍បានបន្ដទៀតថា ទឹកប្រាក់ចំណូលសរុបទាំងអស់ ក្នុងឆ្នាំ២០១៩ មានចំនួន៥៥០លានដុល្លារ  ហើយទូទាត់ការចំណាយ​មុនពេលបង់ពន្ធសល់ ១៥៣លានដុល្លារ ហើយបន្ទាប់មកត្រូវបង់ពន្ធ ក៏នៅសល់ប្រាក់ចំណេញ​សុទ្ធសរុប ចំនួន១២០លានដុល្លារ។

ទ្រព្យសម្បត្ដិ សកម្ម​សរុប​បាន​ឈានដល់ ៦,១៧ ពាន់​លាន​ដុល្លារ​ក្នុង​ឆ្នាំ ២០១៩ បើ​ធៀប​នឹង​ចំនួន ៥,៦៨ ពាន់​លាន​ដុល្លារ​ក្នុង​ឆ្នាំ ២០១៨ ខណៈដែល​ប្រាក់កម្ចី​សរុប​មាន​ចំនួន ៣,៨៤ ពាន់​លាន​ដុល្លារ​ក្នុង​ឆ្នាំ ២០១៩ កើនឡើង​ប្រមាណ​ជា ៧ ភាគរយ​ពី ៣.៥៩ ពាន់​លាន​ដុល្លារ​ក្នុង​ឆ្នាំ ២០១៨ ។​ ចំណែកសេវា​បញ្ញើ​-​សន្សំ កើនឡើង ១៣ % រហូតដល់ ៤.៣៦ លាន​ដុល្លារ​អាមេរិក ខណៈដែល​មូលនិធិ​ម្ចាស់​ហ៊ុន កើនឡើង ១៣,០៩% ពី ៨៥២,៨៤ លាន​ដុល្លារ​អាមេរិក ដល់ ៩៦៤,៤៦ លាន​ដុល្លារ​អា​មេរិក​។​

ឥណទាន​មិន​ដំណើរការ​ធៀប​នឹង​ឥណទាន​សរុប មាន​ចំនួន ១,២៤% ខណៈដែល​ធនាគារ អេស៊ីលីដា ភីអិលស៊ី មាន​បណ្តាញ​ប្រតិបត្តិការ​ចំនួន ៣១៦ សាខា នៅក្នុង​ព្រះរាជាណាចក្រ​កម្ពុជា​, សាធារណរដ្ឋ​ប្រជាធិបតេយ្យ​ប្រជាមានិត​ឡាវ​, និង​សាធារណរដ្ឋ​សហភាព​មី​យ៉ាន់​ម៉ា។

ដោយ៖stince

Related Articles