We TV Cambodia

ធនាគារវឌ្ឍនៈ បើកសម្ពោធសាខាទី ១៦ ក្នុងសង្កាត់ជ្រោយចង្វារ

ធនាគារវឌ្ឍនៈ បើកសម្ពោធសាខាទី ១៦ ក្នុងសង្កាត់ជ្រោយចង្វារ
រូបថតៈ Facebook ធនាគារវឌ្ឍនៈ

ដោយៈ ទិន សុខាវុធ

សាខាថ្មីមួយ​ទៀត​របស់​ធនាគារ​វឌ្ឍនៈ ស្ថិត​នៅតាមបណ្តោយ​ផ្លូវ​ជាតិ​លេខ ៦A ក្នុង​សង្កាត់ជ្រោយ​ចង្វារ រាជធានី​ភ្នំពេញ ត្រូវ​បានបើកសម្ពោធ​ដាក់អោយ​ដំណើរការ កាលពី​ថ្ងៃ​ទី ៧ ខែ ធ្នូ​ ឆ្នាំ ២០១៩ កន្លង​ទៅ​នេះ​។

សាខា​ថ្មីនេះ ក៏​ដូច​ជា​សាខា​ដទៃទៀត​របស់​ធនាគារវឌ្ឍនៈ​ដែរ នឹងផ្តល់ជូនអតិថិជននូវ​សេវាផ្តល់ប្រាក់កំចីសំរាប់ទិញលំនៅដ្ឋាន ប្រាក់កំចីសរាប់ធ្វើអាជីវកម្ម​ ​ការផ្តល់ឥណទានខ្នាតតូច-មធ្យម សេវាកម្មផ្ទេរប្រាក់ សេវាកម្មហិរញ្ញប្បទានពាណិជ្ជកម្ម សេវាកម្ម ប័ណ្ណ (វីសា យូញៀនផេ-UPI ម៉ាស្ទ័រកាត) និងសេវាកម្មទូទាត់តាមហាង (ប័ណ្ណ Alipay និងWeChat Pay) ។ សាខាថ្មីនេះ​ក៏​នឹងផ្តល់សេវា​ទទួល​ប្រាក់​បញ្ញើ​ ​និង​សេវាកម្ម បង់ពន្ធ-អាករគ្រប់ប្រភេទ ផង​ដែរ​។

ធនាគារវឌ្ឍនៈ​ត្រូវ​បានបង្កើតឡើង​នៅ​ក្នុង​ឆ្នាំ ២០០២ និងមានទីស្នាក់ការ​កណ្តាលនៅ​ជាន់​ទី ២ នៃវិមានវឌ្ឍនៈ​កាពីតាល់ ក្នុង​រាជ​ធានីភ្នំពេញ​។ មួយវិញទៀត រហូត​មក​ដល់​ពេលបច្ចុប្បន្ន​នេះ ធនាគារវឌ្ឍនៈ​បានបង្កើតសាខាបានចំនួន ១៦ នៅ​រាជធានីភ្នំពេញ និង​សាខា​ចំនួន ៦ ទៀត​ស្ថិត​​ក្នុង​ខេត្ត សៀមរាប បាត់ដំបង កំពង់ស្ពឺ ពោធិសាត់ តាកែវ និង ខេត្ត​កំពង់ចាម​៕

Related Articles