We TV Cambodia

ធនាគារជាតិ សម្រេចចេញ វិធានការសំខាន់ៗ៣ចំនុច ដើម្បី​ទ្រទ្រង់ ​វិស័យ​ធនាគារ​ និង ​មីក្រូហិរញ្ញវត្ថុ​នៅ​កម្ពុជា

ធនាគារជាតិ សម្រេចចេញ វិធានការសំខាន់ៗ៣ចំនុច ដើម្បី​ទ្រទ្រង់ ​វិស័យ​ធនាគារ​ និង ​មីក្រូហិរញ្ញវត្ថុ​នៅ​កម្ពុជា

កម្ពុជា ខណៈពេលនេះ​ក៏កំពុងតែទទួលរងការវាយប្រហាពីមេរោគកូវីដ១៩ ដែលធ្វើឲ្យរងផលប៉ះពាល់ដល់សេដ្ឋកិច្ចជាតិ ទន្ទឹមគ្នានេះផងដែរដើម្បីចួលរួមទប់ស្កាត់ និងពង្រឹងស្ថានភាពសេដ្ឋកិច្ច ឲ្យកាន់តែរឹងមាំ ​ធនាគារជាតិ បាន​ដាក់​ចេញ​នូវ​វិធានការ​ចំនួន​៣​ចំណុចសំខាន់ៗ​ ​ ដើម្បី​ជួយ​ដល់​វិស័យ​ធនាគារ និង​មីក្រូហិរញ្ញវត្ថុ​នៅ​កម្ពុជា​ឲ្យ​មាន​និរស្រន្ត​ភាព​។

ក្នុង​សន្និសីទ​សារ​ព័ត៌មាន​តាម​ប្រព័ន្ធ​អន​ឡាញ​ កាលពី​រសៀល​ថ្ងៃទី១៧​ ខែមីនា ឆ្នាំ​២០២០​ លោកស្រី ជា សេរី អគ្គនាយក​ធនាគារជាតិ នៃ​កម្ពុជា បានលើកឡើងថា ធនាគារជាតិនឹងដាក់ចេញនូវវិធានការ​ទាំងបី​ចំណុច​ ដែលរួមមានដូចជា៖

១. ធនាគារជាតិ​បានចេញ​ឲ្យ​អនុវត្តនូវ​សេចក្តីប្រកាស​ស្តីពី​ស្រទាប់​ដើមទុន ដែល​ទាមទារ​ឱ្យ​គ្រឹះស្ថាន​មីក្រូហិរញ្ញវត្ថុ​ទាំងអស់​រក្សា​នូវ​ដើមទុន​របស់​ខ្លួន​ឲ្យបាន​ច្រើន​រហូតដល់​១០០% សម្រាប់​ការពារ​ នៅពេល​ដែលមាន​អតិថិជន​មក​ដក​ប្រាក់​បញ្ញើ ​​កន្លងមក​ធ​នាគារ​ជាតិ​បានតម្រូវឲ្យទុកត្រឹម​តែ​៥០%​ប៉ុណ្ណោះ​។

២.​កាត់បន្ថយ​អត្រា​ការប្រាក់ ​នៃប្រតិបត្តិ​ការផ្តល់​សន្ទនីយ៍​ភាព​ឬ​ប្រាក់​បង្វិល​មានការ​ធានា នៅត្រឹមតែ​២.៥​% សម្រាប់​ឥណទាន​មួយឆ្នាំ​, ២.៣% សម្រាប់​ឥណទាន​៦​ខែ និង​២.១%សម្រាប់​ឥណទាន៣​ខែ​។

​៣. ការកាត់បន្ថយ​អត្រា​ប្រាក់​លើ​ការទិញ​មូល​ប​ត្រដែល​អាច​ជួញ​បាន​ពី​ធនាគារជាតិ និងដើម្បី​លើកទឹកចិត្តឲ្យ​គ្រឹះស្ថាន​ហិរញ្ញវត្ថុ​ដែល​មាន​លុយ​មក​ទិញ​មូល​ប​ត្រ​ អាច​ជួញ​បាន​ពី​ធនាគារជាតិ ហើយបង្វែរ​ទៅ​ផ្តល់​កម្ចី​ដល់​សហគ្រាស និង​ម្ចាស់​អាជីវកម្ម​។

គូសបញ្ជាក់ផងដែរថា​ ការ​ដាក់ចេញ​វិធានការ​នេះ​ កន្លងមក​ធនាគារជាតិ​នៃ​កម្ពុជា​ធ្លាប់បាន ស្នើទៅដល់គ្រឹះស្ថាន​ហិរញ្ញវត្ថុ​ទាំងអស់ បន្ត​ផ្តល់​ប្រាក់កម្ចី​ដល់ សហគ្រាស​នៅ​កម្ពុជា ជាពិសេស​អាជីវកម្ម ក្នុង​វិស័យ​ទេសចរណ៍ ដើម្បីឲ្យ​ពួកគេ​អាច​បន្ត​អាជីវ​កម្មបាន​ទៅមុខទៀត​។

ដោយ៖ Stince

ប្រភព៖ក្នុងស្រុក

Related Articles