ដោយៈ ទិន សុខាវុធ
ទុនវិនិយោគក្នុងវិស័យសំណង់នៅកម្ពុជា បានកើនដល់ចំនួន $6,494 លានដុល្លារក្នុងរយពេល
៩ ខែ ដើមឆ្នាំនេះ គឺកើនឡើងប្រមាណជា
៣៤.៧៣ ភាគរយ បើធៀបទៅនឹងរយពេលដូចគ្នានេះ កាលពីឆ្នាំមុន។
យោងតាមរបាយការណ៍របស់ក្រសួងរៀបចំដែនដី
នគរូបនីយកម្ម និង សំណង់ ចេញផ្សាយកាលពីថ្ងៃទី ១៤ ខែ តុលា ឆ្នាំ ២០១៩ រហូតមកដល់ពេលបច្ចុប្បន្ននេះ
មានគំរោងសាងសង់សរុបចំនូន ៣៤៣៣ គំរោងត្រូវបានចុះបញ្ជីជាមួយនឹងក្រសួង។
ក្រសួងបានបន្ថែមទៀតថា ទុនវិនិយោគសំរាប់គំរោងសំណង់ទាំងនោះ
សរុបចំនួន $៦,៤៩៤, ៣៧២,៣៧១
ដុល្លារ នឹងត្រូវសាងសង់នៅលើផ្ទៃដីសរុបចំនួន
១៣,០០០,៦៥៣ ម៉ែត្រការ៉េ។ ពោលគឺកើនលើសពីឆ្នាំមុនចំនួន ៣៤.៧៣ ភាគរយ ដែលនៅពេលនោះ
គំរោងសាងសង់មានចំនួនត្រឹមតែ ២៥៤១ គំរោង សរុបទុនវិនិយោគ ៤៨២០,២០៨,៨៤៦ ដុល្លារ ត្រូវសាងសង់នៅលើផ្ទៃដីសរុប
១០,៧៩០,៥៩៧
ម៉ែត្រការ៉េ។
របាយការណ៍របស់ក្រសួង ក៏បានគូសបញ្ជាក់ផងដែរថា
ដោយឡែក គំរោងសាងសង់នៅក្រោមដែនសមត្ថកិច្ចរបស់រដ្ឋបាលរាជធានី-ខេត្ត មានចំនួន
១៥៩ គំរោង ត្រូវសង់នៅលើផ្ទៃក្រឡាសរុបចំនួន ២ ១៨២ ២៣៤ ម៉ែត្រការ៉េ សរុបទុនវិនិយោគចំនួន
៧៤២ ០៥៧ ៨០៦ ដុល្លារ។
មូយវិញទៀត
យោងតាមរបាយការណ៍របស់ក្រសួង បើគិតចាប់ពីឆ្នាំ ២០០០ ដល់ខែ កញ្ញា ឆ្នាំ ២០១៩ ក្រសួងបានចេញលិខិតសាងសង់សំរាប់គំរោងសាងសង់សរុបចំនួន
៤៦ ៩៩១ គំរោង នៅលើផ្ទៃដីសរុបចំនូន ១២៦,៤០៣,៣៣៩ ម៉ែត្រការ៉េ
ស្ថិតក្នុងតំលៃទុនវិនិយោគចំនួន ៤៨១៧៥ លានដុល្លារ៕
