ទំនិញបីប្រភេទ កំពុងតែមានទីផ្សារខ្លាំងខណៈដែល ផលិតផលដូចជាមិនប្រក្រតី

ភ្នំពេញ៖ កម្ពុជាបច្ចុប្បន្ន កំពុងតែមានវត្ដមានមេរោគ កូវីដ១៩ ដែលអត្រាអ្នកឆ្លងមកទល់ពេលនេះ មានចំនួន ៤៧នាក់ហើយ។ ប្រជាជនភាគច្រើន កំពុងតែមានការព្រួយបារម្ភ ពីការរីករាលដាលបន្ដ ហើយក៏កំពុងតស្វះស្វែងរក វិធីសាស្របង្កាការពារ ជាពិសេសតម្រូវការផលិតផលប្រើប្រាស់ប្រចាំថ្ងៃចាំបាច់។

កម្ពុជា អាចនិយាយបានថាផ្នែក ស្បៀងអាហារមានលក្ខណៈល្អប្រសើរ មិនមានចំនុចគួរកត់សំគាល់នោះទេប៉ុន្ដែ ជាការពារនៅមានផលិផលចំនួន បីប្រភេទ គឺ ផលិផលម៉ាស ទឹកអាកុលលាងសំអាតដៃ និង ឧបករណ៍វាស់ស្ទង់កំដៅជាប្រចាំ។

ផលិតផលទាំងបី ទន្ទឹមគ្នានេះផងដែរ ក៏ត្រូវបានសង្កេតឃើញថា កំពុងតែមានវត្ដមានច្រើន លើទីផ្សារទាំងនៅក្រៅ និងលើប្រព័ន្ធអនឡាញ។ ប៉ុន្ដែចំនុចគួរកត់សំគាល់មួយទៀតនោះ គឺថា ផលិតខ្លះ មានភាពមិនប្រក្រតីជាមួយនឹងតម្លៃ ចំណែកផលិតផលផ្សេងទៀត ដូចជាគ្មានឈ្មោះក្រុមហ៊ុន ប្រភពច្បាស់លាស់ លិខិតអនុញ្ញាត និងផលិតផ្សេងទៀតមានលក្ខណៈ មិនត្រឹមត្រូវតាមស្ដង់ដា នៃការប្រើប្រាស់។

ផលិតផលម៉ាស៖ ទីផ្សារបច្ចុប្បន្ន កំពុងតែមានការប្រែប្រួល ម៉ាសធម្មតាកន្លងមកមានតម្លៃ ២៥០០៛ មួយកញ្ចប់ ដែលក្នុងនោះមានចំនួន ៣០ ទៅ៤០ម៉ាស់។ ប៉ុន្ដែក្នុងកំឡុងពេលនេះ តម្លៃប្រែប្រួលរហូតដល់ទៅ មួយកញ្ចប់ ២០០០០៛ មានចំនួន១០ម៉ាស់។ នៅមានប្រភេទម៉ាសផ្សេងៗទៀតដែល កំពុងតែរាតត្បាតតម្លៃ កាន់តែខ្ពស់ រហូតមាកតម្លៃ រាប់សិបដុល្លារក្នុងមួយប្រអប់។ អាចបានទេប្រសិនជាមានការបញ្ជាក់ពីមូលហេតុដែលបណ្ដាលឲ្យមានការឡើងថ្លៃនេះ?

ផលិតផលទឹកអាលកុល៖ ផលិតផលដែលមានតម្រូវការខ្លាំង ហើយពេលនេះក៏កំពុងតែមាននៅលើទីផ្សារដែរ ដោយគ្មានឈ្មោះ និងប្រភពច្បាស់លាស់។ ថ្មីៗនេះ រដ្ឋាភិបាល កំពុងតែចាត់វិធានការទប់ស្កាត់ ការចែកចាយផលិផលមិនច្បាស់លាស់ ដែលវាអាចបណ្ដាលឲ្យប៉ះពាល់ដល់អ្នកប្រើប្រាស់។

ផលិតផលវាស់ស្ទង់កំដៅ៖ មានការចរាចរផលិតផលប្រភេទនេះ នៅលើទីផ្សារ អនឡាញ ដែលមាន ភាពមិនប្រក្រតី នៃការប្រើប្រាស់។ ផលិតផលខ្លះគឺត្រូវបានគេកំណត់យកទៅប្រើជាមួយនឹងការវាស់ស្ទង់សីតុណ្ហភាព លើវត្ថុ ឬឧបករណ៍ផ្សេងៗ មិនមែនលើមនុស្សនោះទេ។ ការចរាចរ ផលិតផលទាំងនេះ ពិតមានគ្រោះថា្នក់ ទៅដល់អ្នកប្រើប្រាស់ ប្រសិនជាគ្មានវិធានការទប់ស្កាត់។