We TV Cambodia

ទីស្តីការអគ្គស្នងការនគរបាលជាតិ សួន និងឧទ្យានធម្មជាតិសាធារណៈនិងលេចរូបរាងឡើងនៅលើបឹងទំនប់កប់ស្រូវ

ទីស្តីការអគ្គស្នងការនគរបាលជាតិ សួន និងឧទ្យានធម្មជាតិសាធារណៈនិងលេចរូបរាងឡើងនៅលើបឹងទំនប់កប់ស្រូវ

រដ្ឋាភិបាលកម្ពុជាបានសម្រេចយល់ព្រមតាមសំណើររបស់ទីស្តីការគណរដ្ឋមន្រ្តី ដែលដាក់សំណើរទៅស្ថាប័នពាក់ព័ន្ធទាំងអស់របស់រដ្ឋាភិបាល សុំលុបផ្ទៃបឹងតាមោក ឬបឹងទំនប់កប់ស្រូវចំនួន៨៣ហិកតាដើម្បីសាងសង់ជាអគារទីស្តីការអគ្គស្នងការនគរបាលជាតិ បង្កើតសួន និងឧទ្យានធម្មជាតិសាធារណៈ។

រាជរដ្ឋាភិបាលយល់ព្រមកាត់ផ្ទៃដីចំនួន៨ហិកតា ដើម្បីសាងសង់ជាអគារទីស្តីការអគ្គស្នងការនគរបាលជាតិ បង្កើតសួន និងឧទ្យានធម្មជាតិសាធារណៈ។នេះបើតាមសេចក្តីប្រកាសចុះថ្ងៃទី១៣ ខែមីនា ឆ្នាំ២០២០ របស់ទីស្តីការគណៈរដ្ឋមន្រ្តី។

ដោយឡែករាជរដ្ឋាភិបាលក៏ទទួលយល់ព្រមកាត់ផ្ទៃដីចំនួន៧៥ហិកតា ទៀត​ទៅឱ្យរដ្ឋបាលរាជធានីភ្នំពេញ ដើម្បីបង្កើតជាសួន និងឧទ្យានធម្មជាតិ។

សូមជម្រាបថា ផ្ទៃ​បឹង​តា​មោកមាន​ទំហំ ៣.២៣៩​ហិកតា គិតរហូតឆ្នាំ២០២០នេះ រដ្ឋាភិបាលបាន​សម្រេច​​លុបផ្ទៃបឹងនេះចំនួន២ដងរួចមក​ហើយ។ រាប់បញ្ជូលទាំងការអនុញ្ញាតលើកចុងក្រោយនេះ ​ទំហំផ្ទៃបឹងដែលត្រូវលុប​សរុបចំនួន ១៤៧​ហិកតា​​ដែលស្ថិតនៅក្នុងសង្កាត់គោករកា ខណ្ឌព្រែកព្នៅ រាជធានីភ្នំពេញ

លើក​ទី១ រដ្ឋាភិបាល​សម្រេច​ឱ្យលុប​បឹង​ទំហំ ៤៥ហិកតា​ នា​​ខែ​តុលា ឆ្នាំ២០១៨ ទៅឱ្យឯកជន ដែលរដ្ឋបញ្ជាក់ថា ជា​ម្ចាស់​​​ដីដើម។ នាឆ្នាំដដែលនេះ លើក​ទី២ រដ្ឋបានសម្រេច​ឲ្យ​លុប​ផ្ទៃ​បឹង​ចំនួន ២០​ហិកតា ទៀត​ប្រគល់ឱ្យ​សាលា​រាជធានី​ភ្នំពេញ ​​អភិវឌ្ឍន៍​ជា​ផ្សារ និង​ចំណត​រថយន្ត បម្រុងទុកសម្រាប់អាជីវកម្មដែលត្រូវរើ​ចេញពី​ផ្នែក​ខ្លះនៃ​ផ្សារ​ដើម​គ។ ឯ​ការ​សម្រេច​លុប​បឹង​លើក​ទី៣ គឺ​ការ​សម្រេច​លុបចំនួន ៨៣​ហិកតា ដើម្បី​បង្កើត​ជា​សួនច្បារ​ ឧទ្យាន​ធម្មជាតិ និង​អគារ​អគ្គ​ស្នងការ​នគរបាល​ជាតិ៕

Related Articles