We TV Cambodia

ទីផ្សារម៉ាស់នៅថៃ កំពុងរងការគំរាមពីរដ្ឋាភិបាល ខណៈកម្ពុជាក៏កំពុងស្ថិតក្នុងចំនុចនេះ

ទីផ្សារម៉ាស់នៅថៃ កំពុងរងការគំរាមពីរដ្ឋាភិបាល ខណៈកម្ពុជាក៏កំពុងស្ថិតក្នុងចំនុចនេះ

រដ្ឋាភិបាលថៃ​ថ្មីៗនេះបានចេញសេចក្ដីប្រកាសជាផ្លូវការទៅដល់ក្រុមហ៊ុន ផលិតម៉ាសទាំង១០ នៅក្នុងប្រទេស​ ឲ្យខិតខំប្រឹងប្រែង ផលិតម៉ាស់ឲ្យបានច្រើន ដើម្បីបំពេញតម្រូវការប្រើប្រាស់​របស់ប្រជាពលរដ្ឋ  ខណៈតួរលេខបានបញ្ជាក់ជាចុងក្រោយ ថៃជាប្រទេសជាប់ចំណាត់ថ្នាក់លេខពីរ មានករណី មេរោគ កូរ៉ូណា​បន្ទាប់ពីចិន។ ទន្ទឹមនឹងការលើកទឹកចិត្ដ​ឲ្យមានការផលិតម៉ាស ឲ្យបានច្រើន អាជ្ញាធរថៃ​ក៏ប្រមានផង​ ដែលអំពីទីផ្សារតម្លៃ រហូតមានការជាប់គុក និងត្រូវជាពិន័យជាទឹកប្រាក់ទៀតផង។

អាជ្ញាធរថៃ​កាលពីថ្ងៃទី ២៧ ខែកមរា ឆ្នាំ២០២០ បានចេញសេចក្ដីប្រកាសទៅដល់​ក្រុមហ៊ុនផលិតមាស់ក្នុងប្រទេសរបស់ខ្លួនទាំងអស់ ឲ្យខិតខំប្រឹងប្រែងផលិតម៉ាស​ ឲ្យបានច្រើន ដើម្បីបំពេញតម្រូវការ ប្រើប្រាស់​ ក្នុងកំលុងពេលនៃការរាតត្បាត មេរោគ កូរ៉ូណា។ បន្ថែមពីលើនេះទៅ អាជ្ញាធរថៃ ក៏បាន បញ្ជាក់ទៅកាន់ ក្រុនហ៊ុនទាំងនោះ អំពីការកំណត់ទីផ្សារ ម៉ាសឲ្យបានត្រឹមត្រូវ មិនមិនឲ្យមានការ​ឡើង​​ថ្លៃ ខុសពីថ្ងៃធម្មតា​ តែប្រសិនជាមានករណីនេះកើតឡើង នឹងមានការដាក់ ពិន័យជាទឹកប្រាក់ដល់ទៅ ១លាន ៤សែនបាត និងអាចជាប់ពន្ធនាគារ៧ឆ្នាំ។

ចំណែកកម្ពុជាវិញ ថ្មីៗនេះ យោងតាមការបង្ហោះរបស់គណនី ហ្វេសប៊ុក ផ្លូវការ​របស់មន្ដ្រីរដ្ឋាភិបាល មួយរូប គឺ ឯកឧត្ដម ផៃ ស៊ីផាន បានបង្ហើរឲ្យដឹងថា” គោរពជម្រាបជូនបណ្ដាញសារព័ត៌មាន និងប្រិយមិត្តFBFsប្រសិនបើបងប្អូនទាំងអស់បានជួបប្រទះ នូវការឡើងថ្លៃម៉ាស់ហួសហេតុ។ សូមមេត្តាជួយប្រាប់អាស័យដ្ឋាន លេខទូរស័ព្ទ និង ឈ្មោះឱសថស្ថាន។ អរគុណ” ។ ឯកឧត្ដម មិនបាន​បង្ហាញពីចំណាត់ការអ្វីនោះទេ អំពីទីផ្សារប្រែប្រួលមួយនេះ គ្រាន់តែសូមឲ្យមានការរាយការណ៍ ពីស្ថាប័ន ឬអាជីវករ តែប៉ុណ្ណោះ។​

គិតមកទល់ពេលនេះ ទីផ្សារម៉ាស់នៅទីក្រុងភ្នំពេញ មានការប្រែប្រួល ខុសពីធម្មតាតាមទីផ្សារចែកចាយ មិនថា​ខណៈខ្នាតតូច ឬធំនោះទេ ក្រោយពីមានការផ្ទុះឡើងនូវ​ ជម្ងឺរលាកសួតប្រភេទថ្មី កូរ៉ូណានេះ។ ប៉ុន្ដែទន្ទឹនគ្នានេះ ក៏មានស្ថាប័នមួយចំនួន គិតគូរដល់សុវត្ដិភាព សុខភាពប្រជាជន ដោយមានការ ចែកម៉ាស ដោយមិនគិតលុយនៅខេត្ដសៀមរាប។

អត្ថបទដោយ៖ អឿ អ៊ុយ

ប្រភព៖ khaosod , ហ្វេសប៊ុក

Related Articles