We TV Cambodia

ទីផ្សារទុរេននៅវៀតណាមធ្លាក់ថ្លៃ ទោះស្ថិតនៅក្រៅរដូវកាលប្រមូលផល​

ទីផ្សារទុរេននៅវៀតណាមធ្លាក់ថ្លៃ ទោះស្ថិតនៅក្រៅរដូវកាលប្រមូលផល​

បរទេស៖ ទីផ្សារទំនិញ ទុរេនប្រទេសវៀតណាម កំពុងធ្លាក់ថ្លៃជាខ្លាំង​ មិនថាក្នុងស្រុក ឬក្រៅស្រុកនោះទេ ជាចំនុចកត់ចំណាំ ដំណាំដែលស្ថិតនៅក្រៅរដូវកាល (ខុសរដូវ) តែងតែទទួលបានតម្លៃថ្លៃ ជាងតម្លៃធម្មតាក្នុងរដូវកាល ពី២០% ទៅ ៥០%។

តម្លៃទុរេនខុសរដូវ ឆ្នាំនេះ​មានការធ្លាក់ចុះជាខ្លាំង​ ខុសពីឆ្នាំកន្លងទៅ។ ឆ្នាំនេះ ទុរេន ចូលទៅទិញដល់ ចំការផ្ទាល់មានតម្លៃប្រហែល ៣៤០០០ ដុង ទៅ ៤៥០០០ដុង គិតជាលុយរៀល គឺ ពី ៦១០០៛ ទៅ ៧០០០៛​ក្នុង ១គីឡូ ខណៈដែលតម្លៃឆ្នាំមុនប្រហែលពី 50000 Dung – 70000 Dung ត្រូវលុយរៀល គឺ ៨៤០០៛ ទៅ ១២០០០៛ ក្នុងមួយគីឡូ។

ទីផ្សារនាំចេញទំនិញទុរេន ទៅកាន់ទីផ្សារប្រទេសចិន ឆ្នាំនេះ​ត្រូវបានបិទជិតដោយមេរោគ កូរ៉ូណា ដូច្នេះ ច្រកទីផ្សារ បន្ទាប់នៅមានតិច នឹងភាគច្រើន មានតែចរាចរ នៅក្នុងស្រុកតែប៉ុណ្ណោះ។ ឆ្នាំនេះ ទំនិញទុរេន តាមចំការ អាចប្រមូលផលបានច្រើន តែជួបបញ្ហានាំចេញទៅចិន។

ឈ្មួញនាំចេញទុរេន ក្នុងស្រុក បានត្អួញតែ្អថា ឆ្នាំនេះ គាត់ទទួលបានតែការកម្ម៉ង់ ក្នុងស្រុកតែប៉ុណ្ណោះ ហើយមានតិច មិនច្រើនដូចឆ្នាំមុនទេ។ រឿងដែរសំខាន់ នោះគឺ នៅពេលដែលទីផ្សារ មិនអាចនាំចេញទៅក្រៅបាន គឺស្ទើតែគ្រប់ទីកន្លែង​ទំនិញកសិផល មានច្រើន។

ហាងឆេងទុរេន លក់ទៅកាន់ទៅផ្សារ​រាល់ឆ្នាំ ក្នុងរដូវកាលនេះ បានតម្លៃខ្ពស់ ចាប់ពី ១៥០០០ ៛ ទៅ ២១០០០៛ ក្នុងមួយគីឡូ អាស្រ័យលើប្រភេទទុរេន ប៉ុន្ដែសម្រាប់ឆ្នាំនេះ តម្លៃធ្លាក់ចុះស្ទើតែពាក់កណ្ដាលទីផ្សារទៅហើយ។

គូសបញ្ជាក់ផងដែរថា ជារៀងរាល់ឆ្នាំ ទិន្នផលដំណាំទុរេននាំចេញទៅប្រទេសចិន រាប់ពាន់តោន ក្នុងមួយឆ្នាំ ប៉ុន្ដែសម្រាប់ឆ្នាំនេះ ក្នុងកំលុងពេល ទីផ្សារទុរេន មិនទាន់ចូលដល់រដូវកាលប្រមូលផល ពេញលេញផង(រដូវកាលទុរេនចាប់ពីខែ មិថុនា ដល់ សីហា) ប្រទេសវៀតណាម ជួបបញ្ហាទីផ្សារធ្លាក់ថ្លៃយ៉ាងនេះទៅហើយ។​ ដោយឡែករឿង លើសពីនេះទៅទៀត សូម្បី​តែប្រទេសម៉ាឡេស៊ី ដែលជាប្រទេសនាំចេញទុរេន ទៅចិនច្រើនជាគេ ក៏បាន ផ្អាកទីផ្សារ ផងដែរ។

អត្ថបទដោយ៖ Stince

ប្រភព៖ បរទេស

Related Articles