We TV Cambodia

ទិសដៅគម្រោងពាណិជ្ជកម្ម ខ្មែរ-ថៃ ទំហំទឹកប្រាក់ ១៥០០លានដុល្លារ ក្នុងឆ្នាំ២០២០ ត្រូវបរាជ័យ

ទិសដៅគម្រោងពាណិជ្ជកម្ម ខ្មែរ-ថៃ ទំហំទឹកប្រាក់ ១៥០០លានដុល្លារ ក្នុងឆ្នាំ២០២០ ត្រូវបរាជ័យ

ភ្នំពេញ៖ គម្រោងការធ្វើពាណិជ្ជកម្មរវាង កម្ពុជា​ ជាមួយថៃ ក្រោមទំហំទឹកប្រាក់ចំនួន ១៥ ប៊ីលានដុល្លារ​ក្នុងឆ្នាំ ២០២០នេះ​ត្រូវបានបរាជ័យទាំងស្រុង ខណៈដែលមន្ដ្រីជាន់ខ្ពស់របស់ក្រសួងពាណិជ្ជកម្ម លើកឡើងថា មិត្ដភាពទាំងពីរនៅតែមានទំនាក់ទំនងល្អធម្មតា។

ការធ្វើពាណិជ្ជកម្មរវាងប្រទេសទាំងពីរ​បានកើនឡើង ដល់ចំនុន​១២% ក្នុងឆ្នាំ​២០១៩ ដែលមានទំហំទឹកប្រាក់ ចំនួន ៩.៤ប៊ីលាន ដុល្លារ ហើយចំនួននេះកើនឡើង​ពី៥ប៊ីលានដុល្លារ ក្នុងឆ្នាំ២០១៥។ លទ្ធផលនៃការទទួលបាននេះ បានធ្វើឲ្យថ្នាក់ដឹកនាំប្រទេសទាំងពីរ​ សម្រេចគម្រោងទ្វេភាគី នឹងឲ្យកំណើន ពាណិជ្ជកម្មនេះ​កើនដល់ ១៥ ប៊ីលាន ដុល្លារ សម្រាប់ឆ្នាំ២០២០។

លោក សៀង ថាយ អ្នកនាំពាក្យក្រសួងពាណិជ្ជកម្ម​បានឲ្យដឹងថា បើទោះបីជាគោលដៅរួម នៃកិច្ចព្រមព្រាង ទ្វេរភាគី លើគម្រោងពាណិជ្ជកម្ម ទឹកប្រាក់ ១៥ ប៊ីលានដុល្លារនេះត្រូវបរាជ័យ ប៉ុន្ដែទំនាក់ទំនង ដៃគូពាណិជ្ជកម្មទាំង​ពីរនេះ​គឺនៅតែល្អនឹងគ្នា ដដែល។ ដោយផ្អែកលើ ទិន្នន័យពាណិជ្ជកម្មដែលបានបង្ហាញក្នុងឆ្នាំ២០១៩ ពួក​យើង​មិនអាចនឹងឈានដល់ចំនុចនេះបានឡើយ។ ក៏ប៉ុន្ដែរឿងដែលសំខាន់​នោះគឺ ទំនាក់ទំនង ពួកយើងនៅតែល្អប្រសើរ។​

កាលពីឆ្នាំមុន​ កម្ពុជា​បានធ្វើពាណិជ្ជកម្មនាំចេញទំនិញទៅកាន់ប្រទេសថៃ ដែលមានតម្លៃដល់ទៅ ២.២៧ ប៊ីលាន បើគិតជាភាគរយគឺ ១៩៥% ពីមួយឆ្នាំទៅមួយឆ្នាំ គឺមានការកើនឡើង។ ចំណែកឯ ថៃវិញបាននាំទំនិញ ចូលមកកម្ពុជា​មានចំនួន ៧.១៤ ប៊ីលាន ទិន្នន័យត្រូវបានមានការធ្លាក់ចុះ ៦%។

លោក សៀង ថាយ បានបន្ដទៀតថា ការនាំទំនិញកម្ពុជាទៅកាន់ទីផ្សារប្រទេសថៃ គឺមានលក្ខណៈលំបាក ដោយហេតុ ប្រទេសថៃក៏ជាប្រទេស កសិកម្មដូចកម្ពុជា ហើយផលិតផលក៏ស្រដៀងគ្នា។ ប្រទេសកម្ពុជាគឺជាប្រទេស​កសិកម្ម ហើយការនាំចេញទទួលបានលទ្ធផលប៉ុណ្ណឹងគឺចាត់ទុកថា ជាលទ្ធផលជោគជ័យហើយ។

អត្ថបទដោយ៖ Stince

ប្រភព៖ ក្រៅស្រុក

Related Articles