We TV Cambodia

ត្រឹមរយៈពេល ៣ខែ ធនាគារ ABA រកប្រាក់ចំណេញបានជាង ១០០លានដុល្លារ

ត្រឹមរយៈពេល ៣ខែ ធនាគារ ABA រកប្រាក់ចំណេញបានជាង ១០០លានដុល្លារ

យោងតាមរបាយការណ៍ប្រាក់ចំណេញប្រចាំត្រីមាសទី៣ របស់ធនាគារ ABA បានបង្ហាញថា ត្រឹមតែរយៈពេល ៩ខែប៉ុណ្ណោះក្នុងឆ្នាំ២០២០នេះ ធនាគារ ABA អាចរកប្រាក់ចំណេញបានដល់ ១០៤លានដុល្លារអាមេរិក។ ទោះបីស្ថិតក្នុងស្ថានភាពកូវីដ១៩ ក៏ដោយ។

ក្នុងត្រីមាសទី៣ ឆ្នាំ២០២០នេះ ធនាគារ ABA ទទួលបានចំណូលពីការប្រាក់សរុបចំនួន ៣៦២.៤៤៧ លានរៀល ដែលកើនឡើង ប្រមាណ ២៧,៦៤% និង ប្រាក់ចំណេញចំនួន ១៥៩.៥៦០ លានរៀល ដែលកើនឡើងប្រមាណ ២៥,៤៣% ធៀបទៅនឹងរយៈពេលដូចគ្នាកាលពីឆ្នាំ២០១៩។

លោក Yves Jacquot ប្រធានក្រុមប្រឹក្សាភិបាលធនាគារ ABA បានប្រាប់ឲ្យដឹងថា៖ «ក្នុងត្រីមាសទីបី កម្ចីដែលបានរៀបចំឡើងវិញរបស់ធនាគារបានកើនឡើងចំនួន ៩៨៤ ដែលគិតជាទឹកប្រាក់ ៤៣,៩ លានដុល្លារ។ នៅចុងត្រីមាសទីបី កម្ចីដែលបានរៀបចំឡើងវិញមានចំនួនសរុប ១០.៨០៧ ដែលគិតជាទឹកប្រាក់មានចំនួន  ៥៥២,៥លានដុល្លារ។ អត្រានៃកម្ចីដែលបានរៀបចំឡើងវិញនៅក្នុងផលបត្រសរុបមានចំនួន ១៦,១៣%»។

សូមជម្រាបថា ទ្រព្យសកម្មសរុប​របស់ធនាគារ ABA មានចំនួនជាង ៥,៦៥៧លានដុល្លារអាមេរិក កើនឡើង ២៩,៥២% និងមូលនិធិភាគទុនិកសរុមមានចំនួន ២,៩៥៣,១៩២លានរៀល កើនឡើង៤៦% ធៀបទៅនឹងចុងខែធ្នូ ឆ្នាំ២០១៩។

អត្ថបទដោយ៖ Nevin

Related Articles