We TV Cambodia

តើអ្នកដឹងទេថា នៅក្នុងផ្ទះមានកន្លែងណាខ្លះនាំសំណាងឲ្យអ្នកប្រសិនបើថែរក្សាវាបានល្អ?

តើអ្នកដឹងទេថា នៅក្នុងផ្ទះមានកន្លែងណាខ្លះនាំសំណាងឲ្យអ្នកប្រសិនបើថែរក្សាវាបានល្អ?

ដោយ៖ ហួ​ ឆេងស៊ីម

បើតាម​ក្បួន​ហុងស៊ុយ មានកន្លែងចំនួន៣​​នៅ​ក្នុង​គេហដ្ឋាន
ដែល​ជា​ចំណុច​​ទាក់ទាញ​លាភ​សំណាង​បាន​ល្អ​​បំផុត ដូច​នេះ​បើ​​ចង់​ឲ្យ​មាន​រាសី​ក្នុង​ផ្ទះ​ល្អ
ត្រូវ​រក្សា​អនាម័យ​កន្លែង​ទាំង​​នេះ​ឲ្យ​បាន​ស្អាត។

១. ច្រក​ចូល​ផ្ទះ

នេះ​គឺ​ជា​កន្លែង​ដែល​ផ្សារ​​ភ្ជាប់​បន្ទប់​ទទួ​ល​ភ្ញៀវ
និង​គេហដ្ឋាន​ទាំង​មូល ដូច​នេះ​លាភ​ភាគ​ច្រើន​ក៏​មក​ពី​ទី​នេះ​ដូច​គ្នា។
នៅ​ក្នុង​កែវ​ភ្នែក​អ្នក​ណា​ក៏​ដោយ ក៏​ច្រក​ចូល​ផ្ទះ​សំខាន់​ជាង​គេ​ដែរ។
ដូ​ចនេះ​ហើយ ដើម្បី​ឲ្យ​លាភ​សំណាង​មិន​​កក​ស្ទះ
អ្នក​ត្រូវ​រៀប​ចំ​ផ្លូវ​ចូល​ផ្ទះ​ឲ្យ​បាន​រៀបរយ​ មិន​មាន​គំនរ​សំរាម
ឬ​ក្លិន​ស្អុយ​រលួយ​ឡើយ។

២. ផ្ទះ​បាយ

តាម​ក្បួន​ហុងស៊ុយ
ផ្ទះ​បាយ​គឺ​ប្រៀប​ដូច​ជា​ឃ្លាំង​ផ្ទុក​ស្បៀង​មួយ
និង​ជា​កន្លែង​កាន់កាប់​ទ្រព្យ​​ដ៏​សំខាន់​បំផុត​នៅ​ក្នុង​គ្រួសារ។
ចាស់​បុរាណ​ជឿជាក់​ថា ស្បៀង​អាហារ​គឺ​ដូច​ទៅ​នឹង​លុយ​កាក់​ដែរ។
ប្រសិនបើ​ផ្ទះ​បាយ​មិន​រក្សា​អនាម័យ​បាន​ល្អ​នោះ​ទេ លាភ​របស់​ម្ចាស់​គេហដ្ឋាន​នឹង​ស្រក​ស្រុត​តាម​នោះ​ដែរ
ដូច​នេះ​មិន​គួរ​ទុក​ឲ្យ​ទី​នេះ​ជាប់​ស្នាម​ប្រលាក់​ដែល​សល់​ពី​ការ​ចំអិន​អាហារ​ឡើយ។

៣. បន្ទប់​ទឹក

បន្ទប់​ទឹក​គឺ​ជា​កន្លែង​រក្សា​ធាតុ​ត្រជាក់​នៅ​ក្នុង​ផ្ទះ
បើ​កន្លែង​នេះ​មិន​រក្សា​បាន​ល្អ​នោះ​ទេ នោះ​ផ្ទះ​សម្បែង​នឹង​ត្រូវ​ក្ដៅ​ក្រហាយ។
ទី​នេះ​ក៏​ជា​កន្លែង​ស្រូប​​ថាម​ពល​មិន​ល្អ​ចេញ​ពី​​ផ្ទះ​ដែរ
ដូច​នេះ​គួរ​រៀបចំ​ឲ្យ​ទូលាយ
និង​មាន​អនាម័យ​ល្អ​ដើម្បី​ឲ្យ​ទី​នេះ​មាន​ចរន្ត​ដើរ​បាន​ប្រសើរ៕

Related Articles