We TV Cambodia

តើស្ថានភាពជំងឺរបស់អ្នកគួរញុំាំផ្លែឈើមុនឬក្រោយពេលបាយ ដើម្បីជៀសវាងការប៉ះពាល់ដល់សុខភាព?

តើស្ថានភាពជំងឺរបស់អ្នកគួរញុំាំផ្លែឈើមុនឬក្រោយពេលបាយ ដើម្បីជៀសវាងការប៉ះពាល់ដល់សុខភាព?

ដោយ៖ ហួ​ ឆេងស៊ីម

​ការញុំាំផ្លែឈើ ពិតជាបានផ្តល់សារៈសំខាន់យ៉ាងច្រើនសម្រាប់សុខភាពរបស់អ្នក។ ប៉ុន្តែប្រសិនបើអ្នកមានជំងឺផ្សេងៗ អ្នកកមិនគួរបរិភោគផ្លែឈើបានតាមតែចិត្តរបស់អ្នកគ្រប់ពេលបានឡើយ។ ព្រោះការញុំាំផ្លែឈើក៏តម្រូវទៅតាមប្រភេទជំងឺ និងពេលវេលាបានដែរ។ បើអ្នកញុំាំផ្លែឈើខុសពេល នោះវានឹងបង្កផលប៉ះពាល់ជាច្រើនដល់សុខភាពរបស់លោកអ្នក។ ខាងក្រោមនេះគឺជាការណែនាំនៃការញុំាំផ្លែឈើមួយចំនួនដែលសមស្របជាមួយនឹងស្ថានភាពជំងឺរបស់លោកអ្នក៖

១. ​បើ​អ្នក​មាន​​ជំ​ងឺ​ក្រពះ ​ឬ​​មាន​ដំបៅ៖ ​មិន​គួរ​​ទទួល​ទាន​ផ្លែ​ឈើ​មុន​ញ៉ាំ​​បាយ ​​ឬ​​ញុំាពេលពោះ​​ទទេ​ឡើយ ព្រោះ​វា​បណ្ដាល​ឲ្យបញ្ហាក្រពះ​កាន់​តែ​ធ្ងន់​ធ្ងរ។

២. ​​សម្រាប់​អ្នក​​​កំពុង​សម្រក​ទម្ងន់ ហើយ​ចង់​ហូប​ផ្លែ​ឈើ​ដើម្បី​សម្រក​បាន​លឿន៖ ​គួរ​ទទួល​​ទាន​មុន​ញ៉ាំ​​បាយ។ ​វា​នឹង​ជួយ​​ឲ្យ​​អ្នក​ហូប​បាយ​មិន​សូវ​ច្រើន​តែ​ឆ្អែត​លឿន ​។ ​ករណី​នេះ​សម្រាប់​តែ​អ្នក​ដែល​មាន​ប្រព័ន្ធ​រំលាយ​អាហារ​ល្អ​ប៉ុណ្ណោះ​។

៣. ​សម្រាប់​អ្នក​មាន​ជំ​ងឺ​រ៉ាំ​រៃ​ដូច​ជា ​កង្វះ​​ជាតិ​ដែក ​ជំ​ងឺ​ស្លេក​ស្លាំង៖ ​អាច​ទទួល​ទាន​ផ្លែ​ឈើ​មុន ឬ​ក្រោយ​បាយ ៣០​នាទី ដោយ​មិន​មាន​បញ្ហា​តែ​បាន​គុណ​ប្រយោជន៍​ច្រើន​លើស​លុប​ពី​វីតាមីន​ផ្លែ​ឈើ។ ​ពិសេស ​បើ​អ្នក​​ញ៉ាំ​​លើ​ផ្លែ​ឈើ​ផ្ទុក​វីតាមីន C ​ដូច​ជា​ត្រ​បែក ​ប៉េង​ប៉ោះ ​និង​ផ្លែ​គី​វី​។

៤. ​​សម្រាប់​អ្នក​​ឆាប់​អាឡែហ្ស៊ី​ ​ក្អក ​ឬ ​ផ្ដាសាយ៖ ​គួរ​​លៃ​លក​ហូប​ផ្លែ​ឈើ​ក្នុង​ពេល​រសៀល​ឲ្យ​បាន​មុន​ម៉ោង​២ និង​មិន​ត្រូវ​ញ៉ាំ​ផ្លែ​ឈើ​នៅ​ពេល​យប់​ឡើយ។ ​វិធី​នេះ​នឹង​ជួយ​ឲ្យ​សារពាង្គកាយ​ស្រូប​វីតាមីន​ជួយ​ឲ្យ​ប្រព័ន្ធ​ភាព​ស៊ាំ​រឹង​មាំ​។​​​​

ដូច្នេះ អ្នកគួរតែដឹងពីប្រភេទជំងឺរបស់លោកអ្នកជាមុនសិន មុននឹងញុំាផ្លែឈើមុនឬក្រោយពេលបាយដើម្បីជៀសវាងការប៉ះពាល់សុខភាព និងមានសុខភាពកាន់តែល្អ៕

Related Articles