ដោយ៖ ហួ ឆេងស៊ីម
ជាមធ្យមមនុស្សម្នាក់ៗត្រូវទទួលទានទឹកឲ្យបាន២លីត្រក្នុងមួយថ្ងៃ។ តើអ្នកដែលសង្កេតថាអ្នកទទួលទានទឹកបានប៉ុន្មានលីត្រក្នុងមួយថ្ងៃ? ការទទួលទានទឹកឲ្យបានគ្រប់គ្រាន់ពិតជាសំខាន់ណាស់សម្រាប់សុខភាពរបស់អ្នក។ តើអ្នកដឹងទេថា ការទទួលទានទឹកមិនបានគ្រប់គ្រាន់ បណ្តាលឲ្យមានបញ្ហប្រឈមអ្វីខ្លះស្រាប់អ្នក? ខាងក្រោមនេះជាផលប៉ះពាល់មួយចំនួន នៃការទទួលទានទឹកបានតិចក្នុងមួយថ្ងៃរួមមាន៖
- តម្រងនោមនឹងធ្វើការកាន់តែខ្លាំង ទឹកនោមប្រែពណ៌ស្រអាប់ហើយអាចមានក្លិនមិនធម្មតា ដោយសារតែមិនមានទឹកគ្រប់គ្រាន់សម្រាប់បំពេញតម្រូវការរាងកាយ
- មានហានិភ័យនៃការឆ្លងរោគតម្រងនោមងាយជាងមនុស្សធម្មតា
- អាចបង្កឲ្យមានគ្រួសនៅក្នុងថង់ទឹកប្រមាត់ក្នុងកម្រិតខ្ពស់ ជាងអ្នកញ៉ាំទឹកគ្រប់គ្រាន់។
ម្យ៉ាងវិញទៀត សម្រាប់អ្នកមានជំងឺរុំាំរ៉ៃដូចជា ជំងឺទឹកនោមផ្អែម ជំងឺតម្រងនោម គួរតែពិភាក្សាជាមួយវេជ្ជបណ្ឌិតថាគួរទទួលទានទឹកក្នុងកម្រិតណាក្នុងមួយថ្ងៃ។ ដោយសារតែជំងឺមួយចំនួនដូចជា ជំងឺតម្រងនោម ត្រូវកំណត់បរិមាណទឹកក្នុងការទទួលទានក្នុងមួយថ្ងៃៗ ដូច្នេះគួរតែពិភាក្សាជាមួយវេជ្ជបណ្ឌិតជំនាញឲ្យបានត្រឹមត្រូវ ដើម្បីរក្សាបាននូវភាពរឹងមាំ។
ដូចនេះ អ្នកមិនគួរបណ្តោយខ្លួនឲ្យមានជំងឺដោយសារតែការបរិភោគទឹកមិនគ្រប់គ្រាន់នោះទេ។ ពោលគឺអ្នកគួរតែញុំាំទឹកឲ្យបានច្រើនតាមការណែនាំដើម្បីថែរក្សាសុខភាពរបស់លោកអ្នក។
