We TV Cambodia

តិចនិកថែទាំភ្នែកឲ្យនៅភ្លឺច្បាស់ មានសុខភាពល្

តិចនិកថែទាំភ្នែកឲ្យនៅភ្លឺច្បាស់ មានសុខភាពល្

នៅ​ពេល​ដែល​វ័យ​យើង​កាន់​តែ​ដើរ​ទៅ​មុខ ហើយ​បើ​មិន​បាន​ថែ​ទាំ​ល្អ​ទៀត សុខភាព​ភ្នែក​អាច​ខ្សោយ​ចុះ ងាយ​នឹង​កើត​ជំងឺ​ភ្នែក​ផ្សេងៗ។ ប៉ុន្តែ បើ​យើង​ចង់​ឲ្យ​ភ្នែក​មើល​ច្បាស់​មិន​ងាយ​ឈឺ អាច​ចាប់​ផ្ដើម​ថែ​ទាំ​ភ្នែក​តាម​ ៣ តិចនិក​ ខាង​ក្រោម៖

១.គេង​ឲ្យ​បាន​គ្រប់​គ្រាន់

ភ្នែក​យើង​ត្រូវ​ការ​គេង​យ៉ាង​តិច​ ៨ម៉ោង​/យប់ ដើម្បី​ដំណើរ​ការ​បាន​ល្អ​អំឡុង​ពេល​ថ្ងៃ។ ដូច​នេះ​ការ​គេង​មិន​បាន​គ្រប់​គ្រាន់​អាច​ជា​ហេតុ​ធ្វើ​ឲ្យ​ភ្នែក​ញាក់ ភ្នែក​ស្ងួត និង​ឡើង​សរសៃ​ក្រហម​។

២.ផ្អាកពីទូរសព្ទ័ឬ​​ អេក្រង់

ជា​ទូទៅ អ្នក​ដែល​ធ្វើ​ការ​ជាមួយ​កុំព្យូទ័រ កម្រ​នឹង​ធ្មេច​ភ្នែក​ណាស់ ព្រោះ​កំពុង​ផ្ចង់​អារម្មណ៍​ធ្វើ​ការ ដែល​ជាហេតុ​ធ្វើ​ឲ្យ​ភ្នែក​ស្ងួត ស្ពឹក ឬ​មិន​ស្រណុក។ យើង​គួរ​ដាក់​ពន្លឺ​អេក្រង់​ឲ្យ​បាន​សម​នឹង​ភ្នែក​ទទួល​បាន សម្រាក​ភ្នែក​រាល់​២០​នាទី និង​ត្រូវ​ឧស្សាហ៍​ធ្មេច​ភ្នែក​ពេល​កំពុង​បំពេញ​ការងារ។

៣​. បរិភោគអាហារដែល​ផ្ទុក​សារធាតុ​ប្រឆាំង​អុកស៊ីដកម្ម​ខ្ពស់

អាហារ​មួយ​ចំនួន​ដែល​ផ្ទុក​សារធាតុ​ប្រឆាំង​អុកស៊ីដកម្ម អាច​កាត់​បន្ថយ​ហានិភ័យ​ជំងឺ​ភ្នែក និង​បញ្ហា​ខូច​ភ្នែក​ដោយ​សារ​ត្រូវ​ពន្លឺ​ថ្ងៃ ផ្សែង​បារី និង​ខ្យល់​ពុល។ យើង​អាច​រក​វា​បាន​នៅ​ក្នុង​ស៊ុត បន្លែ​បៃ​តង ម្ទេស​ប្លោក​ក្រហម និង​លឿង ប៉េង​ប៉ោះ។ល។

អត្ថបទដោយ៖ ពិសី

 

Related Articles