We TV Cambodia

ដំណាំកសិកម្មបីប្រភេទកំពុងទទួលទិន្នផលល្អ និងពេញនិយមលើទីផ្សារ

ដំណាំកសិកម្មបីប្រភេទកំពុងទទួលទិន្នផលល្អ និងពេញនិយមលើទីផ្សារ
ដំណាំកសិកម្មទាំង ៣ប្រភេទ

ដំណាំឈើហូបផ្លែបីប្រភេទនៅខេត្តមណ្ឌលគិរីកំពុងទទួលបានទិន្នផលល្អ និងកំពុង​ពេញ​និយមនៅលើទីផ្សារ ដោយសារតែមានរសជាតិឆ្ងាញ់ និងជាផ្លែឈើធម្មជាតិ ដែលធ្វើឲ្យកសិករមានការកលនឡើងចំណូលផងដែរ។

ផ្លែប័រ (ប្រភព៖ ក្រសួងព័ត៌មាន)

លោកស្រី ប្រាក់ សាវី ម្ចាស់ចំការផ្លែឈើស្ថិតនៅក្នុងភូមិដោះក្រមុំ សង្កាត់សុខដុម ក្រុងសែន​មនោរម្យ ខេត្តមណ្ឌលគិរី បានប្រាប់ឱ្យដឹងថា ដំណាំឈើហូបផ្លែ​ទាំងបីប្រភេទ​រួមមាន ប័រ ទុរេន និងផ្លែផាសសិន កំពុងតែពេញនិយមនៅលើទីផ្សារ សំរាប់ប្រជាពលរដ្ឋ​ទិញ​យក​​ទៅបរិភោគ ដោយសារតែវាមានរសជាតិឆ្ងាញ់ និងជាផ្លែឈើបែបធម្មជាតិដែលគ្មាន​ជាតិគីមី។

ផ្លែផាសិន (ប្រភព៖ បរទេស)

ដំណាំឈើហូបផ្លែទាំងបីប្រភេទនេះ លោកស្រីបានដាំដុះលើផ្ទៃដីសរុបចំនួន ៧ហិកតា ហើយ​ការ​​ដាំនោះដែរត្រូវប្រើរយៈពេល ៦ឆ្នាំទើបអាចប្រមូលផល​បាន​។ ក្នុងនោះដែរ ផ្លែទុរេនអាចលក់បានចន្លោះពី ១០,០០០រៀលទៅ១៨,០០០រៀលក្នុងមួយគីឡូ ចំណែក​ផ្លែប័រ និងផាសសិន អាចលក់បានចន្លោះពី ៧,០០០រៀល ទៅ ​៨,០០០រៀល​ក្នុងមួយ​គីឡូ ដោយមានភ្ញៀវមកទិញផ្ទាល់ និងមានម៉ូយចាំទទួលទិញស្រាប់ផងដែរ។

ផ្លែធុរេន (ប្រភព៖ ក្រសួងព័ត៌មាន)

លោកស្រីបានបញ្ជាក់ថា ជាមធ្យមក្នុងមួយឆ្នាំៗ លោកស្រីអាចរកចំនូល​ប្រមាណ ១ម៉ឺនដុល្លារ​ ទៅ ១ម៉ឺន៥ពាន់ដុល្លារ។ លោកស្រីប្រកបរបរនេះអស់​រយៈពេលជាង ២០ឆ្នាំមកហើយ និងនៅតែអាចប្រមូលផលបានល្អប្រសើរដូចធម្មតា។

អត្ថបទដោយ៖ Nevin

Related Articles