ដោយ៖ ហួ ឆេងស៊ីម
គណនីហ្វេសប៊ុកមួយដែលមានឈ្មោះថា Thoeun Pnn កាលពីថ្ងៃទី ៥ ខែ ធ្នូ បានសរសេរនៅលើបណ្តាញសង្គមហ្វេសប៊ុករបស់ខ្លួនថា គ្រូបង្រៀនអ្នកកោះសំរោងគ្រប់គ្នា ប្រហែលជាស្គាល់អ្នកគ្រូម្នាក់ ដែលមានទឹកចិត្តជាគ្រូបង្រៀនដ៏ល្អម្នាក់ យ៉ាងពិតប្រាកដ។ អ្នកគ្រូនោះមានឈ្មោះហៅក្រៅថា ម៉ៅ គឺជាម្តាយទី ២ បន្ទាប់ពីម្តាយឪពុកបង្កើតរបស់សិស្សានុសិស្សទាំងឡាយ។ ដូចនេះ សូមកុំមើលងាយឬស្អប់គ្រូរបស់អ្នក បើគួរដឹងគុណគួរតែធ្វើទៅឬលើកទឹកចិត្តគាត់តាមវិធីណាមួយ។
មួយវិញទៀត មានទស្សនមួយចំនួនលើកឡើងថា នៅពេលកូនគេរៀនពូកែគេថាពូជគេល្អបើកូនគេរៀនមិនចេះអក្សរគេបន្ទោសមកពីគ្រូបង្រៀនមិនកើត។
ម្ខាស់គណនី Facebook ឈ្មោះ Thoeun Pnn បានសរសេរបន្តទៀតថា គេនឹងលើកទឹកចិត្តដល់អ្នកគ្រូ ម៉ៅ ជាថវិកានឹងសំភារៈខ្លះ ក៏ដូចជាសំរាប់ក្មេងៗសិស្សានុសិស្សជាសំភារៈសិក្សា សំលៀកបំពាក់។ ហើយ លោក Thoeun Pnn ក៏បានសុំអោយបងប្អូនចូលរួមផ្តល់ថវិកាជួយដល់អ្នកគ្រូ ម៉ៅ ផង ដោយទំនាក់ទំនងតាមលេខទូរស័ព្ទនេះ៖ 0976667575 ។
ជាការពិតណាស់លោកគ្រូនិងអ្នកគ្រូដែលធ្លាប់បង្រៀនអ្នកកន្លងមក គឺជាឪពុកម្តាយទីពីររបស់អ្នក ដោយសារតែគាត់តែងតែទូន្មានប្រៀនប្រដៅអ្នកជារឿយៗមិនថាគេជាក្មេងៗដែលមិនមែនជាប់សាច់ញាតិ និងជាមនុស្សបាតសង្គមប៉ុណ្ណាក៏ដោយ ឲ្យតែជាកូនសិស្សរបស់ខ្លួន អ្នកគ្រូតែងតែប្រៀនប្រដៅឲ្យដើរលើផ្លូវល្អជានិច្ចនិងធ្វើល្អសម្រាប់សង្គមនាពេលខាងមុខ ។
លោកគ្រូ អ្នកគ្រូ គឺជាបុគ្គលគំរូដែលមានចំណេះដឹងជ្រៅជ្រះ ជាអ្នកមានជំនាញគរុកោសល្យ និងមានសីលធម៌ល្អ សម្រាប់សាបព្រួស និងចែកចំណេះដឹងទៅកាន់សិស្ស។
នៅក្នុងផ្នត់គំនិតរបស់គ្រូម្នាក់ៗដែលបង្រៀនអ្នកទាំងអស់គ្នា តាំងពីថ្នាក់មតេយ្យដល់ថ្នាក់ឧត្តមសិក្សា គឺចង់ឲ្យតែកូនសិស្សរបស់ខ្លួនខិតខំប្រឹងប្រែង និងយកចិត្តទុកដាក់នៅពេលដែលគាត់ពន្យល់តែប៉ុណ្ណោះ ដោយមិនចង់បានការតបស្នងអ្វីពីកូនសិស្សឡើយ៕
