We TV Cambodia

ដើម្បីជួយសម្រួលទុក្ខដល់បងប្អូនប្រជាពលរដ្ឋខ្មែរ ធនាគារអម្រឹត បានពន្យារពេលការសងបំណុលដល់អតិថិជនចំនួនជាង ១២ម៉ឺននាក់

ដើម្បីជួយសម្រួលទុក្ខដល់បងប្អូនប្រជាពលរដ្ឋខ្មែរ ធនាគារអម្រឹត បានពន្យារពេលការសងបំណុលដល់អតិថិជនចំនួនជាង ១២ម៉ឺននាក់
លោក ដុស ឌីន អគ្គនាយកគ្រឹះស្ថានមីក្រូហិរញ្ញវត្ថុ អម្រឹត (ប្រភព៖ Google)

បើយោងតាមប្រសាសន៍របស់លោក ដុស ឌីន អគ្គនាយក​គ្រឹះស្ថាន​មីក្រូហិរញ្ញវត្ថុ អម្រឹត បានឲ្យដឹងថា ដើម្បីជួយដល់អតិថិជន ក៏ដូចជាប្រជាជនកម្ពុជាដែលកំពុងតែជួបបញ្ហាដោយសារ COVID-19 អម្រឹតនឹងផ្តល់​ការពន្យារ​ពេល​នៃ​ការសង​បំណុល។

លោក ដុស ឌីន បាន​បន្ត​ទៀត​ថា ការពន្យារការសងកំពុងផ្តល់ជូនគឺបែងចែកអតិថិជនជាពីរប្រភេទធំៗ៖

– ទីមួយៈ អតិថិជនឥណទានក្រុមធានា ដែលភាគច្រើនរស់នៅទីជនបទ និងខ្ចីប្រាក់ក្នុងទំហំតូច ដោយអម្រឹតនឹងផ្តល់ពន្យារការសងទាំងការប្រាក់ និងប្រាក់ដើមជាស្វ័យប្រវត្តិតែម្តងសម្រាប់រយៈពេលបីខែ។ ប្រសិនអតិថិជនស្នើសុំពន្យារការសង។

– ទីពីរៈ អតិថិជន​កម្ចី​ជា​បុគ្គល​ដែល​ខ្ចី​ប្រាក់​ក្នុង​ទំហំ​ធំ ជាពិសេសអតិថិជន​ដែល​មុខរបរស្ថិត​ក្នុង​វិស័យ​អាទិភាព​ទាំងបួន (មានវិស័យ​ទេសចរណ៍, កាត់ដេរ, សំណង់ និង​ដឹកជញ្ជូន, និង​ផ្នែក​ខ្លះ​នៃ​វិស័យ​កសិកម្ម) ដោយអម្រឹតអាច​នឹង​ផ្តល់​ការពន្យារ​ការសង​ប្រាក់​ដើម ឬ​ទាំង​ប្រាក់​ដើម និង​ការប្រាក់ចាប់ពី ៣ខែដល់ ៦ខែ។

គូសបញ្ជាក់ផងដែរថា ចំពោះការផ្ដល់ការពន្យាការសងនេះដែរគឺ អាច​មាន​រយៈពេលពី ០៣​ខែ ទៅ ០៦​ខែ អាស្រ័យ​ទៅ​តាម​ស្ថានភាព​លំបាក​ពិតប្រាកដ​របស់​អតិថិជន​ម្នាក់ៗ។ បច្ចុប្បន្ន អម្រឹត មាន​អតិថិជន​សរុបជាង​​ ៥០ម៉ឺន​នាក់ ក្នុងនោះ​អតិថិជន​ឥណទាន​ក្រុមធានាមានជាង​ ១២​ម៉ឺននាក់។

អត្ថបទដោយ៖ Nevin

ប្រភព៖ ក្នុងស្រុក

Related Articles