ដូចជាលើកដំបូងទេ គ្រឹះស្ថានសិក្សារដ្ឋ បំពាក់កាម៉េរា ក្នុងបន្ទប់រៀន

ភ្នំពេញ៖ ថ្មីៗនេះនៅលើបណ្ដាញទំនាក់ទំនង ហ្វេសប៊ុក មានការចែករំលែកតៗគ្នាពីមហាជន ស្ដែងឲ្យ​ឃើញនូវ ការរៀបចំនូវប្រព័ន្ធគ្រប់គ្រង ផ្នែកពង្រឹកសមត្ថភាពរៀន និង បង្រៀន ​ ក្នុងវិទ្យាល័យច្បាអំពៅ ដោយបំពាក់នូវកាមេរ៉ាតាមបន្ទប់រៀន ក្នុងទីក្រុងភ្នំពេញ។ ចំណុចមួយនេះ អាចត្រូវបានចាប់អារម្មណ៍ថា ដូចជាលើកទី១ មុនគេបង្អស់ក្នុងវិស័យស្ថាប័នអប់រំរបស់រដ្ឋ នៃកម្ពុជា។

ប្រភពរូបភាពដែលត្រូវបាន​បង្ហោះឡើង ដោយផេក អតីតសិស្សវិទ្យាល័យច្បារអំពៅ  ជាមួយនឹងការពិពណ៌នា ថា​ “វិទ្យាល័យច្បារអំពៅបានបំពាក់កាំមេរ៉ាតាមបន្ទប់រៀនដើម្បីពង្រឹងគុណភាពការរៀននិងបង្រៀន សម្រាប់ថ្នាក់ទី7,8,10,11 សម្រាប់ថ្នាក់ទី9និង12តាមក្រោយ”។

មហាជនមានការគាំទ្រ ក្រោយពីមើលឃើញនូវ ការរៀបចំបែបនេះ ព្រោះវាមានភាពងាយស្រួល ក្នុងការតាមដានសម្មភាពផ្សេងៗ ទាំងការរៀនរបស់សិស្ស និងការបង្រៀនរបស់គ្រូ។ ម្យ៉ាងវិញទៀត វា​ក៏ធានាឲ្យបាននូវសុវត្ថភាពសិស្ស ផងដែរ​ពីការប្រព្រឹត្ដទង្វើមិនគប្បីមួយចំនួន ក្នុងបន្ទប់រៀន​។ ដោយឡែកជាឧទាហរណ៍ កាលពីមួយរយៈពេលចុងក្រោយ មានករណីឈ្លោះប្រកែកគ្នា ធ្វើឲ្យខូចសណ្ដាប់​ធ្នាប់ នឹងបង្កភាពរំខានដល់សង្គម។​

អត្ថបទដោយ៖ អឿ អ៊ុយ

ប្រភព៖ ក្នុងស្រុក