ដី នៅតែបន្ដមានស្ថេរភាពតម្លៃ បើទោះបីស្ងាត់អ្នកវិនិយោគ

អចលនទ្រព្យ៖ ជាក់ស្ដែងកម្ពុជា ចាប់តាំងពីឆ្នាំ២០១០ ទីផ្សារដី បន្ដកើនឡើងតម្លៃបន្ដិចម្ដងៗ រហូតដល់ចូលឆ្នាំ២០១៧ – ១៨ តម្លៃដីកាន់តែមានសន្ទុះខ្លាំងឡើងថែមទៀត ខណៈដែលមាន ការលូកដៃចូល​ពីបណ្ដា អ្នកវិនិយោគបរទេសចូលមកជាមួយ។ ប៉ុន្ដែគួជាទីកត់សំគាល់ មកទល់ពេលនេះ អត្រា​ទីផ្សារដី ដូចជានៅទ្រឹង  ខណៈឈ្មួញវិនិយោគធំៗទាំងក្រៅស្រុក និង ក្នុងស្រុក ក៏គ្មានសកម្មភាព។

កម្ពុជា ក្នុងកំលុងពេលទីផ្សារដីកំពុងតែត្រូវប៉ាន់ គេសង្កេតឃើញ មានតំបន់ចំនុចមួយចំនួន ដូចជា តាមបណ្ដាយផ្លូវជាតិលេខ ៦A ផ្លូវជាតិលេខ ៥ , ៤ និងផ្លូវជាតិលេខ ៣ ដែលផ្លូវជាតិទាំងនោះ​ ត្រូវបានស្ដិតក្នង​តំបន់ ទទួលបានការអភិវឌ្ឈ ខ្លាំងលើប្រព័ន្ធ ហេដ្ឋារចនាសម្ព័ន្ធ សំណង់អគារឯកជន ការវិនិយោគតំបន់ឧស្សាហកម្ម ទើបធ្វើឲ្យតម្លៃ កើនឡើង​ស្ទើរតែទ្វេរគុណ។

តាមបណ្ដាយផ្លូវជាតិលេខ ៤ ចាប់តាំងពីចំនុចចោមចៅ ទៅដល់ ខេត្ដកំពង់ស្ពឺ ទីផ្សារដី ក្នុងឆ្នាំ២០១៣ មានសន្ទុះ ស្ទើតែមិនអាចកត់សំគាល់បាន ដោយហេតុ ក្នុងតំបន់ទាំងនោះ មានការវិនិយោគ ខ្លាំងលើផ្នែក វិស័យឧស្សាហកម្ម រោងចក្រសហគ្រាស ធំ តូច ដែលការវិនិយោគភាគច្រើនជា អ្នកវិនិយោគ ជាលក្ខណៈអន្ដរជាតិ។ ហេដ្ឋារចនាសម្ព័ន្ធល្អ ហើយនៅលើបណ្ដាយផ្លូវដែលមានសក្ដានុពលទៀត នោះ រឹតតែមាន ចំណុចខ្លាំងលើតំបន់ទីផ្សារ។

តែទោះជាយ៉ាងណាក៏ដោយ មួយរយៈពេលចុងក្រោយ ចុងឆ្នាំ ២០១៩ – ២០  នេះទីផ្សារដី ដូចជា មិនមានសន្ទុះទៅមុខទៀតទេ។ ដោយឡែក ប្រជាពលរដ្ឋ​ខ្លះដែលមាន​ដីលក់​កន្លងមក ក៏មានការខកចិត្ដ ព្រោះ ពេលនេះស្ងាត់ឈ្មួញ មកទាក់ទង។ ប្រជាពលរដ្ឋ នៅក្នុងខេត្ដកំពង់ស្ពឺ ដែលមានដីជាប់ផ្លូវ គាត់បាន ថ្លែងប្រាប់ថា ដីគាត់កាលពី​ដើម ឆ្នាំ២០១៨ ឈ្មួញឲ្យ តម្លៃ ក្បាល១ម៉ែត្រ ៧ពាន់ ដុល្លារ គាត់អត់​លក់ ចាំមើលបន្ដទៀត ក្រែងលបានថ្លៃជាងនេះ តែក្រោយមក ស្ងាត់ឈឹង ចង់លក់ក្នុងតម្លៃ ប៉ុណ្ណឹងវិញ ក៏លែងមានអ្នកទិញដែរ។​ បើទោះជាដី​ មានសភាព ទ្រឹង ប៉ុន្ដែបើឲ្យតម្លៃក្រោមនោះ ក៏គាត់មិនលក់ដែរ។

គូសបញ្ជាក់ផងដែរថា កន្លងមក ទីផ្សារដីនៅតាមបណ្ដោយផ្លូវជាតិ​លេខ ៥ តំបន់ព្រំប្រទល់ខេត្ដ កណ្ដាល កំពង់ឆ្នាំង សន្ទុះដឺ នៅបន្ដមានទីផ្សារកើនឡើងនៅឡើយ ខណៈតំបន់នោះកំពុងស្ថិតក្នុងគម្រោង អភិវឌ្ឈផ្លូវ ធំ។

អត្ថបទដោយ៖ អឿ អ៊ុយ

ប្រភព៖ ក្នុងស្រុក