We TV Cambodia

ជឿទេថា គ្រាន់តែញ៉ាំទឹក​ក្ដៅឧណ្ហៗរាល់ថ្ងៃ អាចជួយ​ឲ្យ​ស្រកគីឡូ​?

ជឿទេថា គ្រាន់តែញ៉ាំទឹក​ក្ដៅឧណ្ហៗរាល់ថ្ងៃ អាចជួយ​ឲ្យ​ស្រកគីឡូ​?

មនុស្សសម័យថ្មី គឺភាគច្រើនតែងតែរអ៊ូរថា ធាត់មេះ ជាពិសេស មនុស្សស្រីតែម្ដង។ ជំងឺធាត់ ពេលខ្លះ មិនមែនមកបញ្ហាការញុំាមួយមុខនោះទេ អាចមកពីកត្តាទទួលទានស្រាបៀរ ។ល។ តើអ្នកជឿ​អត់​ថា ​ញ៉ាំ​ទឹក​ក្ដៅ​ឧណ្ហៗ​រាល់ថ្ងៃ​អាច​ជួយ​ឲ្យ​យើង​ស្រក​គីឡូ? វាជាការពិតណាស់ ការ​ញ៉ាំទឹក​​បាន​គ្រប់​គ្រាន់​ជា​ការ​សំខាន់​ណាស់​ក្នុង​ការ​រក្សា​ជាតិ​ទឹក​ក្នុង​ខ្លួន​យើង​គ្រប់​គ្នា។ ការ​ញ៉ាំ​ទឹក​ក្ដៅ​ជា​ប្រ​ចាំ មិន​ត្រឹម​តែ​ជួយ​ឲ្យ​រាង​កាយ​យើង​មាន​ជាតិ​ទឹក​គ្រប់​គ្រាន់​នោះ​ទេ តែ​នៅ​ថា​អាច​សម្រក​ទម្ងន់​បាន​ទៀត​ផង។

ពេល​ញ៉ាំ​ទឹក​ក្ដៅ​ឧណ្ហៗ​ រាង​កាយ​យើង​នឹង​ផ្លាស់​ប្ដូរ​សីតុណ្ហភាព​ និង​ចាប់​ផ្ដើម​ធ្វើ​មេតាប៉ូលិស​។ ទឹក​ក្ដៅ​​ជួយ​បំបែក​ខ្លាញ់​ទៅ​ជា​មូលេគុល​ ដែល​នេះ​ជួយ​ឲ្យ​ប្រ​ព័ន្ធ​រំលាយអាហារ​ងាយ​ដុត​បំផ្លាញ។ ដូច​គ្នា​ដែរ បើ​យើង​ញ៉ាំ​ទឹក​ក្ដៅ​ឧណ្ហ​ៗ​៣០​នាទី​មុន​ញ៉ាំ​អាហារ នឹង​ជួយ​ឲ្យ​រាង​កាយ​គ្រប់​គ្រង​កាឡូរី​ដែល​យើង​ញ៉ាំ​បាន​ល្អ ព្រោះ​ថា​ងាយ​ធ្វើ​ឲ្យ​យើង​ឆាប់​ឆ្អែត​។ លើសពីនេះទៅទៀត ការ​ញ៉ាំ​ទឹក​ក្ដៅ​ក៏​ជួយ​ឲ្យ​យើង​កាត់​បន្ថយ​ការ​ឃ្លាន​អាហារ ដោយ​ជួយ​ឲ្យ​យើង​មាន​អារម្មណ៍​ថា​ឆ្អែត។ គុណ​ប្រ​យោជន៍​នៃ​ការ​ញ៉ាំ​ទឹក​ក្ដៅ​ឧណ្ហៗ​មួយ​ទៀត គឺ​ជួយ​ដល់​ដំណើរ​ការ​រាង​កាយ​ ជំនួយ​ដល់​ការ​រំលាយ​អាហារ ធ្វើ​ឲ្យ​រាង​កាយ​ស្រូប​យក​សារធាតុ​ចិញ្ចឹម​ និង​បញ្ចេញ​កាក​សំណល់​បាន​ល្អ​ដែរ​។

ទន្ទឹមគ្នានេះដែរ បើ​យើង​ចង់​ឲ្យ​បាន​ប្រយោជន៍​កាន់តែ​ច្រើន​ពី​ការ​ញ៉ាំ​ទឹក​ក្ដៅ​ឧណ្ហៗ​ទៀត​នោះ យើង​អាច​ថែម​ក្រូច​ឆ្មារ និង​ទឹក​ឃ្មុំ​ចូល​បន្តិច​ក៏​បាន​ ដែល​របស់​ទាំង​នេះ​សុទ្ធ​តែ​មាន​ប្រយោជន៍​ដល់​ការ​ស្រក​ទម្ងន់​។

អត្ថបទដោយ៖ ពិសី

Related Articles