We TV Cambodia

ឆ្នាំ ២០១៩ ជាឆ្នាំនៃសេវាកម្មឌីជីតល់របស់ស្ថាប័នមីក្រូហិរញ្ញវត្ថុ LOLC

ឆ្នាំ ២០១៩ ជាឆ្នាំនៃសេវាកម្មឌីជីតល់របស់ស្ថាប័នមីក្រូហិរញ្ញវត្ថុ LOLC

រូបថតៈ ស្ថាប័នមីក្រូហិរញ្ញវត្ថុ LOLC

ដោយៈ ទិន សុខាវុធ

លោក Brindley de Zylva ប្រធាន​ស្ថាប័ន​មីក្រូហិរញ្ញវត្ថុ
LOLC បានថ្លែង​ថា
ចំពោះស្ថាប័នមីក្រូហិរញ្ញវត្ថុ​របស់​លោក ឆ្នាំ ២០១៩ នេះ គឺ​ជា​ឆ្នាំ​នៃ​ការបំរើសេវា​ឌីជីតល់​ដល់​អតិថិជន​​។

«2019 has been the year of ‘digital financial services’ that will improve our
customer service and increase efficiency,» នេះ​ជាការលើកឡើងរបស់​លោក
Brindley de
Zylva ។

លោកបាន​បន្ត​ទៀត​ថា ស្ថាប័ន​មីក្រូហិរញ្ញវត្ថុ​របស់​លោក ជា​ស្ថាប័ន​មួយ​ដែល​ទទួល​ប្រាក់​បញ្ញើ​ពី​អតិថិជន​ផង​​និង​ផ្តល់​ប្រាក់​​កំចី​ដល់​​​អតិថិជន​ផង​។ ហើយ​នៅ​ក្នុង​ឆ្នាំ ២០១៩ នេះ ស្ថាប័ន​របស់​លោក បានផ្តល់​ប្រាក់​កំចីលើស​ពី​ឆ្នាំ​មុន​ប្រមាណ ២៨% គឺ​ស្មើនឹង $625 លាន​ដុល្លារ​។

មួយវិញទៀត ​លោក​ប្រធាន​​រួប​នេះ
បាន​គូស​បញ្ជាក់​បន្ថែម​ទៀត​ថា  សេវាហិរញ្ញវត្ថុនៃ​ស្ថាប័ន​មីក្រួហិរញ្ញវត្ថុ​​របស់​លោក
បាន​នឹង​កំពុង​បំរើអោយ​អ្នកមាន​ចំណូលមធ្យម ដែល​​មាន​ចំនួន​កាន់​តែ​ច្រើនៗ
ពី​មួយ​ថ្ងៃ​ទៅ​មូយថ្ងៃ​។

យ៉ាងណា​ម៉ិញ ដោយហេតុថា វិស័យ​ជំនួញ​ធុន​មធ្យម​កំពុង​តែ​កើនឡើង​ពី​មួយ​ថ្ងៃ​ទៅ​មូយ​ថ្ងៃ
លោក Brindley de
Zylva បាន​សង្កត់​ធ្ងន់ថា ស្ថាប័ន​របស់​លោក​ចាំបាច់​ត្រូវបង្កើត​សេវា​ថ្មីៗ​បន្ថែមទៀត
ដើម្បី​ឆ្លើយ​តប​ទៅ​នឹងសេចក្តីត្រូវ​ការរបស់​ទី​ផ្សារ​ហិរញ្ញវត្ថុ​នៅ​កម្ពុជា​។

ទាក់ទង​នឹង​រឿង​នេះ លោក សុខ វឿន នាយកប្រតិបត្តិ​របស់​ LOLC បាន​លើក​ឡើង​ថា កំណើន​នៃ​ប្រាក់​​បញ្ញើ​នៅ​ក្នុង​ស្ថាប័ន​របស់​លោក បញ្ជាក់​ប្រាក់​ថា​អតិថិជន​កាន់​ច្រើនឡើង​ ៗ បាន​ជឿ​ទុកចិត្ត​លើ​​ស្ថាប័នមីក្រូ​ហិរញ្ញវត្ថុ LOLC ។

លោក សុខ វឿន ក៏​បាន​ថ្លែង​អោយ​ដឹង​ទៀត​ថា រហូត​មកដល់ខែ មិថុនា ឆ្នាំ ២០១៩ កន្លង​ទៅ​នេះ ដើម​ទុន​សរុប​របស់ LOLC បាន​កើនដល់​ជាង $804 លាន​ដុល្លារ ហើយ​ចំនួន​អ្នក​ខ្ចីប្រាក់​ពី LOLC បាន​កើន​ឡើង​ចំនួន ១២% គឺ​ស្មើនឹង ២៦៤,៤២៧ នាក់​។

ចំណែកឯ​ប្រាក់បញ្ញើវិញ បាន​កើន​ដល់​ $347 លាន​ដុល្លារ
គឺ​កើន​ឡើង​​លើស​ពី ៤៩%​ ធៀប​ទៅនឹងឆ្នាំ ២០១៨​ ខណៈ​ភាគរយ​នៃ​​​អ្នក​ដាក់ប្រាក់បញ្ញើ​បាន​កើន​ឡើង​
៤៨% គឺ​ស្មើនឹង ២៦៦,៨៣៥ នាក់​៕

Related Articles