We TV Cambodia

ឆ្នាំ២០១៩កម្ពុជាមានទេសចរក្នុងស្រុកប្រមាណ ១១.៣លាននាក់ ខណៈទេសចរអន្តជាតិមានប្រមាណ ៦.៦លាននាក់

ឆ្នាំ២០១៩កម្ពុជាមានទេសចរក្នុងស្រុកប្រមាណ ១១.៣លាននាក់  ខណៈទេសចរអន្តជាតិមានប្រមាណ ៦.៦លាននាក់

ដោយ៖ពេជ្រ

រូបភាព ឯកសារ

យោងតាមរបាយការណ៍របស់ក្រសួងទេសចរណ៍បានឲ្យដឹងថា នៅក្នុងឆ្នាំ២០១៩ កម្ពុជាមានអត្រាទេសចរក្នុងស្រុកប្រមាណ ១១.៣លាននាក់ កើនឡើង ២.៣% បើធៀបនឹងឆ្នាំ២០១៨។

ចំណែកឯ ភ្ញៀវទេសចរអន្តរជាតិមកដើរកម្សាន្តនៅកម្ពុជាមានប្រមាណជា ៦.៦លាននាក់ គិតជាភាគរយគឺ កើនបាន ៦.៦% បើប្រៀបធៀបនឹងឆ្នាំ២០១៨។ទន្ទឹមនឹងនេះដែរ ខាងក្រសួងក៏បានបង្ហាញទិន្នន័យ នៃប្រជាជនកម្ពុជាដែលនិយមទៅដើរកម្សាន្តនៅក្រៅប្រទេស មានប្រមាណ ២ លាននាក់ កើនបាន២.១​% នៅក្នុងឆ្នាំ ២០១៩។

បើតាម ទិន្នន័យពីក្រសួងទេសចរណ៍  ប្រទេសចិនជាភ្ញៀវទេសចរដែលមកទស្សនាកម្ពុជាច្រើនជាងជាតិសាសន៍ផ្សេងៗ មានរហូតដល់ ៣៥.៧% នៃចំនួនទេសចរអន្តរជាតិសរុប ១៦.៧%។

ក្រសួងទេសចរណ៍បញ្ជាក់ថា កំណើននៃភ្ញៀវទេសចរអន្តរជាតិទាំំង ៦.៦ លាននាក់  ជាចំណូលដែលជួយសេដ្ឋកិច្ចកម្ពុជាប្រមាណ ៥ពាន់លានដុល្លារ ដែលបានរួមចំណែកចំនួន ១២.១% នៃផលិតផលក្នុងស្រុកសរុប (GDP) របស់កម្ពុជា៕

 

Related Articles