We TV Cambodia

ឆ្នាំនេះ អ្នករក​ស៊ី​​​រៀប​ចំ​ «សេវា​កម្ម​អាពាហ៍ពិពាហ៍» ខាតបង់ប្រាក់ចំណូល​​​មិន​​ស្ទើរ​ទេ!

ឆ្នាំនេះ អ្នករក​ស៊ី​​​រៀប​ចំ​ «សេវា​កម្ម​អាពាហ៍ពិពាហ៍» ខាតបង់ប្រាក់ចំណូល​​​មិន​​ស្ទើរ​ទេ!

នារដូវកាលកូវិដ១៩ ក្នុងឆ្នាំ២០២០ នេះ អ្នក​ផ្គត់ផ្គង់សេវាកម្មអាពាហ៍ពិពាហ៍ និងពិធីបុណ្យ ប្រឈមទៅនឹងបញ្ហាហិរញ្ញវត្ថុ ស្ទើរតែពេញមួយឆ្នាំ ២០២០ ដោយសារតែមង្គលការជាច្រើន បានពន្យារពេលទាំងបង្ខំ ដោយសារ តែការបារម្ភពីជំងឺឆ្លងនេះ​ទាំងនៅ​ក្នុង​រាជធានីភ្នំពេញ ក៏ដូចនៅតាមបណ្តាខេត្តនានា ។ បើយោងតាមហ្វេសបុករបស់គូស្វាមីមួយគូបានឲ្យដឹងថា៖ «ឆ្នាំនេះឆាចោល គ្រាន់តែលើកថ្ងៃរៀប​អាពាហ៍​ពិពាហ៍​អស់​៣ដង ហើយក៏សូមអធ្យាស្រ័យបងប្អូនទាំងអស់ដែលបានកក់សំបុត្រយន្តហោះ កាត់រ៉ូប ខោអាវសំរាប់ចូលរួម​កម្មវិធីខ្ញុំទាំងពីរនាក់ ខ្ញុំបាទលើកពេលទៅឆ្នាំក្រោយទៀតហើយ គោរពអរគុណបងប្អូនទាំងអស់គ្នា ដែលស្រលាញ់​រាប់អានខ្ញុំ។

យ៉ាងណាមិញ សូម្បីតែ ឯក ឧត្ដម វេង សាខុន  រដ្ឋមន្ត្រីក្រសួងកសិកម្មរុក្ខាប្រមាញ់ និង នេសាទ ក៏បានប្រកាស​ពីការ​លើក​ពេល​ រៀបអាពាហ៍ពិពាហ៍កូនប្រុសរបស់លោកផងដែរ។ ក្រៅពីនោះមានពលរដ្ឋជាច្រើនគូ បានបង្ខំចិត្តពន្យាពេលរៀបអាពាហ៍ពិពាហ៍​នៅឆ្នាំ​នេះ ដោយ​នឹងពន្យាពេល​នៃការ​រៀបចំរហូតដល់បញ្ហាជំងឺ COVID-19 ត្រូវបានគ្រប់គ្រងបានទាំងស្រុង។

គួរបព្ជាក់ផងដែរថា ប្រជាពលរដ្ឋក្នុងរាជធានីភ្នំពេញ​បានសុំច្បាប់​រៀបអាពាហ៍​ពិពាហ៍ ​៨៨៦​គូ ​សម្រាប់ខែវិច្ឆិកា និងខែធ្នូនេះ ក៏ប៉ុន្តែរាជរដ្ឋាភិបាលបានប្រកាសផ្អាកការជួបជុំលក្ខណៈបែបនោះសិន។​ រីឯបញ្ហាទាំងអស់នេះ ម្ចាស់ចុងភៅចល័ត​ ទីតាំង​រៀបអាពាហ៍ពិពាហ៍ ផ្កាស្រស់ តន្ត្រីសម័យ និងសេវា​កម្មផ្សេងៗ​ទៀត​ ក៏​ជួប​បញ្ហាដូចគ្នាៗ សម្រាប់ក្នុងមួយរដូវរៀបអាពាហ៍ពិពាហ៍នេះ​ ពួកគេត្រូវបានខាតបាត់បង់ប្រាក់ចំណូល​ខ្ទង់ម៉ឺន​ដុល្លារ​អាមេរិក ដោយសារមានការលើក ឬលុបពិធីទាំងអស់នេះ។

អត្ថបទដោយ៖ ពិសី

Related Articles