We TV Cambodia

ចិនត្រៀមបើកដំណើរការវិស័យទេសចរណ៍របស់ខ្លួន ក្នុងខែមេសាខាងមុខ​ ស្របពេលថៃសម្រុកពង្រឹងប្រព័ន្ធសុវត្ថិភាព

ចិនត្រៀមបើកដំណើរការវិស័យទេសចរណ៍របស់ខ្លួន ក្នុងខែមេសាខាងមុខ​ ស្របពេលថៃសម្រុកពង្រឹងប្រព័ន្ធសុវត្ថិភាព

យោងតាមការចុះផ្សាយរបស់គេហទំព័រព័ត៌មានរបស់ប្រទេសថៃ បានឲ្យដឹងថា វិស័យទេសចរណ៍នៅប្រទេសចិន គ្រោងងនឹងចាប់ផ្ដើមដំណើរការឡើងវិញ នៅក្នុងខែមេសា ខាងមុខជាលក្ខណៈក្នុងតំបន់។ស្របពេលគ្នានោះដែរ អាជ្ញាធរថៃក៏គ្រោងនឹងរឹតបណ្ដឹងការអនុវត្ដ និងប្រតិបត្ដិការ វិស័យសុខាភិបាល ឲ្យកាន់តែរឹងមាំថែមទៀត ដើម្បីធានាឲ្យបាន សុវត្ថិភាពពីការរីករាលដាល មេរោគ​ កូវីដ១៩។

លោក Yuthasak Supasorn អាជ្ញាធរទេសចរណ៍ប្រទេសថៃបានថ្លែងថា​ រូបលោក បានទទួលព័ត៌មាន ពីដៃគូប្រតិបត្ដិការ នៅក្នុងប្រទេសចិន ដែលបញ្ជាក់ថា មានខេត្ដចំនួន២ គឺខេត្ដ Zhejiang និងJiangsu ត្រូវបានកំណត់រឹតបណ្ដឹងច្បាប់ធ្វើដំណើរ ប៉ុន្ដែប្រជាជនទាំងនោះ មានទំនោរធ្វើដំណើរ ក្នុងតំបន់ពួកគេជាមុនសិន។ លោកបានបន្ដទៀតថា ប្រជាជនដីគោក នឹងចាប់ផ្ដើមដំណើរកំសាន្ដពួកគេ ក្នុងតំបន់ នៅខែមេសាខាងមុខ រួចទើបសម្រេចបន្ដដំណើរ ទៅក្រៅ។

លោក បានបន្ដទៀតថា​ នេះគឺជាចំណុចគួកត់សំគាល់មួយ ដែលប្រទេសចិនគ្រោងប្រតិបត្ដិការផ្នែកនេះឡើងវិញ ហើយនេះក៏ជាឱកាសល្អមួយផងដែរ ប្រសិនជាប្រទេសថៃ អាចពង្រឹងវិស័យសុខាភិបាលល្អប្រសើរ បើមិនដូច្នោះទេ នឹងបាត់បង់ឱកាសនេះ។

ស្របពេលដែល រដ្ឋាភិបាលថៃ​កំពុងតែចាត់វិធានការ លុបបំបាត់ ការឆ្លងរាលដាល​កូវីដ១៩ ខណៈពេលនេះ​អាជ្ញាធរ​ទេសចរណ៍ថៃ ក៏កំពុងតែប្រតិបត្ដិការ ជាមួយនឹងវិស័យេកជន ដើម្បីរៀបចំកម្មវិធីផ្នែកសុខភាព ឲ្យកាន់តែមានសុវត្ថិភាពជាងមុន។

ដោយ៖ Stince

ប្រភព៖ Bangkok Post

Related Articles