ចប់ទី១២ មិនដឹងធ្វើការអីមែនទេ? មកមើលការងារទាំងនេះ

ពេលដែលចប់ថ្នាក់ទី១២ ជាពេលដែលសិស្សានុសិស្សចាប់ផ្ដើមចាកចេញពីស្រុកកំណើត មកធ្វើការឬរៀនបន្ដនៅសកលវិទ្យាល័យនៅភ្នំពេញ។ ដោយឡែកសិស្សខ្លះ ផ្ដោតលើការសិក្សារតែមួយមុខទេ តែចំពោះសិស្សផ្សេងៗទៀតដែលមានជីវភាពខ្វះខាតចាំបាច់ត្រូវរកចំណូលបន្ថែមទើបអាចផ្គត់ផ្គង់ការចំណាយបាន។ ខាងក្រោមនេះជាការងារមិនចាំបាច់ត្រូវការចំណេះដឹងខ្ពស់​ តែអាចទទួលបានប្រាក់ខែច្រើនគួរសម៖

១,បុគ្គលិកផ្នែកដឹកជញ្ជូន

អ្នកខ្លះគិតថាការងារដឹកជញ្ជូនប្រាក់ខែតិច ជិះហាលក្ដៅ​ហាលភ្លៀង តែការគិតបែបនេះគឺខុសហើយ។បុគ្គលិកដឹកជញ្ជូន បានកម្រៃជើងសារច្រើនៗណាស់ អោយតែឧស្សាហ៏គឺមិនខ្វះលុយចាយទេ។

២,បុគ្គលិកផ្នែកឆុងកាហ្វេ

បុគ្គលិកផ្នែកឆុងកាហ្វេលំដាប់ៗមានទៅអន់អី​ហើយថែមទាំងទទួលបានការចាប់អារម្មណ៏ពីអតិថិជនទៀត​បានទាំងបទពិសោធន៏ បានការច្នៃប្រឌិតទៀត។

៣,អ្នកOrder

តិចថាអ្នកOrderការងារអន់អីចុះ​ទាល់តែអ្នកពូកែចងចាំ​ ពូកែកត់ សម្ដីរួសរាយទើបគេចូលចិត្ត។ ដូច្នេះបើសិនជាថ្ងៃក្រោយអ្នកចង់បើករបររកស៊ី គឺកាន់តែមានភ្ញៀវច្រើន។

៤,ផ្នែកលក់

ត្រឹមពូកែវោហា សាសព្ទ័ អ្នកធ្វើជាអ្នកលក់ក្នុងហាង ឬលក់អចលទ្រព្យ ឬលក់អនឡាញផ្សេងៗ។

៥,ជំនួយការគ្រូបង្រៀន

ការងារនេះមើលទៅសមរម្យ ថ្លែថ្នូរ ហើយថែមទាំងមានឪកាសរៀនសូត្រទៀតផង។

៦,គ្រូបង្រៀនភាសាបរទេស

ចេះភាសាបរទេសច្បាស់លាស់អាចប្រើការបាន ក៏អាចធ្វើជាគ្រូបង្រៀននៅសាលាឯកជន ដូចជាភាសា ចិន កូរ៉េ​ ថៃជាដើម។

៧,អ្នកបកប្រែ

ចប់ត្រឹមទី១២ អាចធ្វើជាបកប្រែភាសាចិន នៅតាមរោងចក្របាន ព្រោះអ្នកវិនិយោគនៅកម្ពុជាភាគច្រើនគឺជាជនជាតិចិន។

៨,ប្រឡងចូលគ្រូបង្រៀនក្របខណ្ឌ

បើសិនជាអ្នកមានក្ដីស្រម៉ៃចង់ធ្វើជាគ្រូបង្រៀន  អាចដាក់ពាក្យប្រឡងនៅក្រសួងបាន ព្រោះក្រសួងរើសច្រើនណាស់។

៩ផ្នែកគណនេយ្យករ

អ្នកគិតលុយនៅតាមហាង ឬ ក្រុមហ៊ុន  ក៏ជាការងារមួយដែលមានតម្រូវការខ្លាំងនៅលើទីផ្សារ អាចលៃលកដាក់ពាក្យបានមិនខ្វះទេ។

អត្ថបទដោយ៖ ពិសី