ចក្រភពអង់គ្លេសសម្រេចដកខ្លួនចេញពី សហភាពអឺរ៉ុប ជាផ្លូវការហើយ កាលពីយប់មិញ

បរទេស៖ ចក្រភពអង់គ្លេសបានក្លាយខ្លួនជាសមាជិកសហភាព​​ អឺរ៉ុប មកទល់ពេលនេះ អស់រយៈពេល ៤៧ឆ្នាំមកហើយ ចាប់តាំងពីក្រោយបញ្ចប់សង្គ្រាមលោកទី២ម្ល៉េះ។ ប្រទេសមួយនេះ ប្រមាណជា៣ទសវត្សិ៍​ចុងក្រោយ ផ្អែកលើ សេដ្ឋកិច្ចនយោបាយ ប្រព័ន្ធគ្រប់គ្រង ហាក់មានភាពប្រសើរខ្លាំង ភិភពលោកកត់សំគាល់។​ ចក្រភាពអង់គ្លេស មានគម្រោងផ្ដាច់ខ្លួនចេញពី សហភាពអឺរ៉ុបជាយូមកហើយ ខណៈដែល ៣ឆ្នាំចុងក្រោយ រាជរដ្ឋាភិបាលបាន បង្កើតយុទ្ធនាការបោះឆ្នោត ធ្វើប្រជាមតិ ក្រោមប្រធានបទ ការចាកចេញរបស់ ចក្រភពអង់គ្លេស (Brexit) ដោយលទ្ធផលកាលពីយប់មិញ ក្ដីបំណងមួយនេះ​មទទួលបានសម្រេចជាផ្លូវការហើយ នាវេលាម៉ោង ១១ យប់។

បើទោះបីជា ចក្រភពអង់គ្លេស អាចដកខ្លួនចេញពីគ្រួសារដ៏ធំមួយនេះបានមែន ប៉ុន្ដែ ចក្រភពអង់គ្លេស នៅតែមានឈ្មោះ ជាប់ជាសមាជិក រហូតដាច់ឆ្នាំ២០២០។ មិនត្រឹមប៉ុណ្ណោះរាល់ ការបំរែបំរួល​ច្បាប់ផ្សេងៗ នៃសហភាពអឺរ៉ុប ក្នុងកំលុងពេលនេះ ចក្រភពអង់គ្លេស ត្រូវតែគោរព មិនអាចល្មើសបាន។

ក្រោយពីសេចក្ដីប្រកាស ផ្លូវការត្រូវបានធ្វើឡើង ប្រជាជនជាច្រើន មានការត្រេកអរ ហើយខ្លះទៀត ក៏មានការតវ៉ាឆាំងស្របពេលជាមួយគ្នា។

គូបញ្ជាក់ផងដែរថា Brexit ត្រូវបានធ្វើឡើងកាលពីឆ្នាំ២០១៦ ហើយ សម្រេចលទ្ធផលនៅឆ្នាំ ២០១៧ ក្រោយលទ្ធផលបោះឆ្នោត សំលេងអ្នកគាំទ្រឲ្យមានការចាកចេញមានចំនួន ៥៤%។

អត្ថបទដោយ៖ អឿ អ៊ុយ

ប្រភព៖ CNN