We TV Cambodia

ឃើញមាននៅសៀមរាប… មន្ដ្រីរដ្ឋាភិបាលកម្ពុជា បំពេញបេសកកម្មត្រួតពិនិត្យ តម្លៃទីផ្សារផលិតផល ការពារ Covid-19

ឃើញមាននៅសៀមរាប… មន្ដ្រីរដ្ឋាភិបាលកម្ពុជា បំពេញបេសកកម្មត្រួតពិនិត្យ តម្លៃទីផ្សារផលិតផល ការពារ Covid-19

រូបភាពឯកសារ

ភ្នំពេញ៖ស្របពេលដែល បណ្ដាប្រទេសជាច្រើនប្រមាណជាង ១០០ប្រទេស លើពិភពលោក កំពុងតែមានការប្រឈមខ្លាំងនឹងបញ្ហា ការរាតត្បាត មេរោគ កូវីដ១៩ បានធ្វើឲ្យទីផ្សារតម្រូវការ ផលិតផលការ​ការពារ​ ហាក់បីដូចជា ហក់ឡើងខ្លាំងនូវតម្លៃទីផ្សារ ជាពិសេស ប្រភេទផលិតផលម៉ាស តែម្ដង។ យ៉ាងណាមិញ ដោយមានតម្រូវការខ្លាំងដូច្នេះ កុំថាឡើយប្រទេសដទៃ សូម្បីតែប្រទេសកម្ពុជា ក៏មានការភ្ញាក់ផ្អើល នៃតម្លៃឡើងថ្លៃដោយមិននឹកស្មានដល់ ខណៈដែលសេចក្ដីសម្រេច ក្រុមការងារ​មន្ត្រី​មន្ទីរ​ពាណិជ្ជកម្ម​ខេត្ត​សៀមរាប ​កាលពី​ថ្ងៃ​ទី​០៨ ​ខែមីនា ​ឆ្នាំ​២០២០​ បាន​ចុះ​ស្រង់​តម្លៃ​លក់​ម៉ាស និង​ត្រួតពិនិត្យ​ស្តុក​ម៉ាស នៅតាម​បណ្តា​ឱសថស្ថាន នៅក្នុង​ក្រុង​សៀមរាប។

ព័ត៌មានបង្ហាញឲ្យដឹងថា បេសកកម្មនេះធ្វើឡើងដើម្បី ​ត្រួត​ពិនិត្យ​ ក្នុង​គោលបំណង​ណែនាំ​ដល់ ពាណិជ្ជករ អាជីវករ សេវាករ និង​ម្ចាស់​ឱសថស្ថាន ៖

– សូមកុំ​ដំឡើងថ្លៃ​ម៉ាស់ អាកុល​លាងដៃ និង​ជេ​ល​លាងដៃ ហួសហេតុ​ធ្វើ​ឲ្យ​ប៉ះពាល់​ដល់​កិត្តិយស និង​សេចក្តីថ្លៃថ្នូរ​ក្នុងការ​ប្រកប​អាជីវកម្ម តាមរយៈ​ការ​កេងចំណេញ ក្នុងស្ថានភាព​ដែល​ប្រជាជនមាន​ការ​លំបាក។

– សូម​ចូលរួម​សហការ និង​រួមចំណែក​ការងារ​មនុស្សធម៌ និង​កាត់បន្ថយ​ការឆ្លង​ជំងឺ​រលាក​សួត​ដោយ កូ​វីដ​-១៩ (Covid-19)​។

ក្រោយពេលនៃការចុះត្រួតពិនិត្យ ទិន្ន័យត្រូវបានបង្ហាញថា​៖

-ម៉ាស​ម៉ាក GLS Pro ១​ម៉ាស តម្លៃ​លក់​២, ០០០ រៀល និង KHAN Trang (​វៀតណាម​) តម្លៃ​២៥​ដុល្លារ (៥០​ម៉ាស​)

– ម៉ាក HI TEHCH ចំនួន ៥០​ម៉ាស តម្លៃ​លក់ ២៤ ដុល្លារ​

– ម៉ាក TIANYU SHU KN 90 ១​ម៉ាស​តម្លៃ​លក់ ១៦,០០០ រៀល​

– ម៉ាក Face Mask Protection (​ចិន​) ១​ម៉ាស តម្លៃ​លក់ ១.៨ ដុល្លារ​

– ម៉ាក Mini Pro C (​វៀតណាម​) ចំនួន​ ៥០​ម៉ាស តម្លៃ​លក់ ២៣ ដុល្លារ​

– ម៉ាក Eco Fresh (​វៀតណាម​) ចំនួន​៥០​ម៉ាស តម្លៃ​លក់ ២៣ ដុល្លារ​

– ជេ​ល​លាងដៃ (Gel Green Crass) ៦០ មី​លី​លីត្រ មួយ​តម្លៃ​លក់ ៤ ដុល្លារ​

– ជេ​ល​លាងដៃ (Hand Cleansing Gel) ៣០០ មី​លី​លីត្រ ចំនួន​១ តម្លៃ​លក់ ៦ ដុល្លារ​

– ជេ​ល​លាងដៃ (Green Cross) វៀតណាម ១០០ មី​លី​លីត្រ ចំនួន​១តម្លៃ​លក់ ២.៤ ដុល្លារ​

– ជេ​ល​លាងដៃ (DN Clean Gel) ១០០ មី​លី​លីត្រ ចំនួន​១ តម្លៃ​លក់ ៥ ដុល្លារ។

គួរំឭកផងដែរថា ទីផ្សារម៉ាសនៅក្រុងភ្នំពេញកាលពី ទើបមានការភ្ញាក់ផ្អើល មេរោគ កូវីដ១៩ ដំបូង តម្លៃទីផ្សារ មិនថាលក់ផ្ទាល់ ឬទីផ្សារអនឡាញនោះទេ មានការឡើងខ្ពស់ ដែលម៉ាស​១ប្រអប់ មានតម្លៃដល់ទៅ ៤៥$  ក៏មានដែរ ទៅតាមប្រភេទម៉ាសការពារ។ យ៉ាងណាក៏ដោយ សម្រាប់បណ្ដាប្រទេស ជិតខាង​ដូចជាប្រទេសថៃ រដ្ឋាភិបាល បានកំនត់ថ្លៃម៉ាស យ៉ាងជាក់ច្បាស់ក្នុង១ម៉ាស តម្លៃត្រឹមតែ ៥០០៛ ប៉ុណ្ណោះ បើបណ្ដាជនណា មិនគោរពតាមការកំណត់ រដ្ឋាភិបាលនឹងធ្វើការផាកពិន័យ។

រូបភាពឯកសារ រូបភាពឯកសារ

យោងតាមសេចក្ដីថ្លែងការរបស់សម្ដេច តេជោ ហ៊ុន សែន ក្នុងឱកាសដាក់សម្ភោធឲ្យប្រើប្រាស់ជាផ្លូវការ នៅផ្លូវលេខ ៥៥ កាលពីព្រឹកមិញ សម្ដេចបានជម្រុញលើកទឹកចិត្ដ ប្រជាពលរដ្ឋឲ្យងាកមកចាប់អារម្មណ៍ប្រើប្រាស់​ក្រមាវិញម្ដង ដែលមានភាពងាយស្រួល ជាងប្រើប្រាស់ម៉ាស ហើយសន្សំសំចៃខ្ពស់ ខណៈដែល ក្រម៉ាជារ​បស់ខ្មែរ អាចបោកទឹកបានប្រើច្រើនដង ជាងម៉ាស។

អត្ថបទដោយ៖ Stince

Related Articles