We TV Cambodia

គំរោងវិនិយោគ ៣ ថ្មីទៀត សរុបទុនវិនិយោគ $8.8 លានដុល្លារ បង្កើតការងារ ៣៤៤៨ កន្លែង

គំរោងវិនិយោគ ៣ ថ្មីទៀត សរុបទុនវិនិយោគ $8.8 លានដុល្លារ បង្កើតការងារ ៣៤៤៨ កន្លែង
រូបថតៈ សហការី

ដោយៈ ទិន សុខាវុធ

យោង​តាម​​ក្រុមប្រឹក្សា​អភិវឌ្ឍន៍​កម្ពុជា ហៅ​កាត់​ថា CDC ដែល​ជា​​ស្ថាប័ន​មួយ​របស់​រាជរដ្ឋាភិបាល គំរោង​វិនិយោគ ៣ ថ្មី​ទៀត សរុប​ទុន​វិនិយោគ​ប្រមាណ $8.8 លាន​ដុល្លារ បង្កើត​ការងារ​ចំនួន ៣៤៤៨ កន្លែង ត្រូវ​បាន​ចុះ​បញ្ជីជាមួយ​នឹង CDC ។ គំរោង​វិនិយោគទាំងនោះ​រួម​មាន​៖

១. “QUAN MING HANDBAG (CAMBODIA) INDUSTRIAL CO., LTD.” គម្រោងបង្កើតរោងចក្រផលិតកាបូបគ្រប់ប្រភេទ ដែលមានទីតាំងវិនិយោគស្ថិតនៅផ្លូវជាតិលេខ៦ ភូមិឬស្សីជ្រោយ ឃុំឬស្សីជ្រោយ ស្រុកមុខកំពូល ខេត្តកណ្តាល មានទុនវិនិយោគប្រមាណ $3 លានដុល្លារ និងអាចបង្កើតការងារបានចំនួន ១,២៤៤ កន្លែង​។

២. “GD NEW SKY LEATHER PRODUCTS CO., LTD.” គម្រោងបង្កើតរោងចក្រផលិតកាបូប និងខ្សែក្រវាត់ ដែលមានទីតាំងវិនិយោគស្ថិតនៅភូមិព្រៃថ្កូវ ឃុំព្រះនិព្វាន្ត ស្រុកគងពិសី ខេត្តកំពង់ស្ពឺ មានទុនវិនិយោគប្រមាណ $3.8 លានដុល្លារ និងអាចបង្កើតការងារបានចំនួន ១,៥០៦ កន្លែង​។

៣. “TAO AND KIVEN GARMENT CO., LTD.” គម្រោងបង្កើតរោងចក្រកាត់ដេរសម្លៀកបំពាក់ ដែលមានទីតាំងវិនិយោគស្ថិតនៅភូមិកន្ទោកជើង សង្កាត់កន្ទោក ខណ្ឌពោធិ៍សែនជ័យ រាជធានីភ្នំពេញ មានទុនវិនិយោគប្រមាណ $2 លានដុល្លារ និងអាចបង្កើតការងារបានចំនួន ៦៩៨ កន្លែង​៕

Related Articles